ས་ཡོམ་གྱི་འོག་མི་༦༠ལྷག་རྐྱེན་འདས།

• 
  2012-09-07

༄༅།   །Yunnan ཞིང་ཆེན་གྱི་དཔོན་རིགས་ནས་བཤད་པར་གཞིགས་ན། ད་དུང་ཡང་མི་ཤི་བའི་གྲངས་ཀ་མང་དུ་འགྲོ་ངེས་ཡིན་པ་དང༌། ད་ལྟའི་ཆར་ས་ཡོམ་བརྒྱབ་ཡུལ་ས་ཁུལ་གྱི་འགྲོ་ལམ་ཐོག་ས་དང་རྡོ་སོགས་ཉིལ་ཏེ། འགྲོ་ལམ་འགག་པར་བརྟེན་ནས། ཉེན་སྐྱོབ་རུ་ཁག་ས་ཡོམ་གྱི་གནོད་འཚེ་བྱུང་ཡུལ་དུ་འབྱོར་ཐུབ་ཀྱི་མེད་པའི་སྐོར་བཤད་ཡོད་པ་རེད། ད་དུང་ས་ཡོམ་གནོད་འཚེ་སྡུག་ཤོས་བྱུང་ཡུལ་དུ། གློག་དང་ཁ་དཔར་སོགས་ཀྱི་འབྲེལ་ལམ་ཡོང་རྫོགས་ཆད་ཅིང༌། རྒྱ་ནག་གི་ས་ཡོམ་རྟོགས་ཞིབ་ལས་ཁང་གིས། འདི་རིང་གི་ས་ཡོམ་དེ་ནི། སྔ་དྲོའི་ཚོུད་༡༡ དང་སྐར་མ་༡༩ ཐོག་རྒྱ་ནག་གི་ལྷོ་ནུབ་Yunnan ཞིང་ཆེན་གྱི་Yiliang ས་གནས་དང་Guizhou ཞིང་ཆེན་གྱི་Weining ས་ཁུལ་གྱི་ས་མཚམས་བར་ལ་བརྒྱབས་ཡོད་པའི་སྐོར་བཤད་ཡོད་པ་རེད།

ས་ཡོམ་གྱི་གནོད་འཚེ་དེ་ཡིས། Yunnan ཞིང་ཆེན་གྱི་Yiliang དང་Daguan ས་ཁུལ་དང༌། དེ་བཞིན་ Zhouyang རྫོང་ནང་གི་མི་དམངས་འབུམ་བདུན་ལྷག་ལ་དཀའ་ངལ་བཟོས་ཡོད་པས་མ་ཟད། ས་ཁུལ་དེ་དག་ནང་ནས་མི་དམངས་འབུམ་གཅིག་ལྷག་ཉེན་གཡོལ་དུ་གནས་སྤོ་བྱེད་དགོས་བྱུང་ཡོད་པ་རེད།  འོན་ཀྱང་Guizhou ཞིང་ཆེན་གྱི་Weining ས་གནས་གཞུང་གི་དཔོན་རིགས་Chen Bo ཟེར་བས། Guizhou ནང་མི་ཤི་རྨས་བྱུང་མེད་ཀྱང༌།        ཁང་པ་ལོག་པ་དང༌། གནོད་སྐྱོན་བཏང་བ་མང་པོ་བྱུང་ཡོད་པའི་སྐོར་བཤད་ཡོད་པ་རེད།