ཟླ་བ་རྗེས་མ་༸གོང་ས་མཆོག་ཕེ་རན་སིར་ཕེབས་དོན་སྐོར།

• 
  2008-07-10

༄༅༎ཁ་སང་རེས་གཟའ་མིག་དམར་གྱི་ཉིན་ཕེ་རན་སིར་བཅའ་བཞུགས་རྒྱ་ནག་གཞུང་ཚབ་ཁུང་ཆོན་གྱིས་ཕེ་རན་སིའི་སྲིད་འཛིན་ནི་ཀོ་ལ་སི་སར་ཀོ་ཛི་མཆོག་ལ་ཉེན་བརྡ་ཞིག་བཏང་སྟེ་ཟླ་བ་རྗེས་མའི་ནང་ཏཱ་ལའི་བླ་མ་ཕེ་རན་སིར་ཕེབས་སྐབས་ཐུགས་འཕྲད་མ་བྱེད་གལ་ཏེ་ཐུགས་འཕྲད་བྱས་པ་ཡིན་ན་ཕེ་རན་སི་དང་རྒྱ་ནག་གཉིས་ཀྱི་འབྲེལ་བར་དོ་ཕོག་ཚབས་ཆེ་བཟོ་སྲིད་པ་རེད་ཅེས་བཤད་ཡོད་པ་དེར་རེས་གཟའ་ཕུར་བུའི་ཉིན་ཡོ་རོབ་གྲོས་ཚོགས་ཀྱི་སར་ཕེ་རན་སིའི་སྲིད་འཛིན་སར་ཀོ་ཛི་མཆོག་གིས་ལན་འདེབས་ཤིག་གནང་སྟེ་ ང་དང་བོད་མིའི་དབུ་ཁྲིད་༸གོང་ས་༸སྐྱབས་མགོན་ཆེན་པོ་མཆོག་དང་མཇལ་འཕྲད་ཞུ་ཕྱོགས་དེར་རྒྱ་ནག་གཞུང་གི་འདོད་དབང་དུ་འགྲོ་དགོས་རྒྱུ་དེ་འདྲ་ཡོང་ཤེས་ཀྱི་མ་རེད་ཅེས་དང་ མ་ཙང་ནས་གནད་དོན་ཁག་ཅིག་ཐོག་རྒྱ་ནག་གཞུང་གིས་ང་ཚོ་ཡོ་རོབ་མཉམ་མཐུན་ལྷན་ཚོགས་ཀྱི་སར་གསུང་རྒྱུའི་འོས་བབ་ཡོག་མ་རེད་ཅེས་གསུང་ཡོད་པ་རེད་

དེ་བཞིན་ཕེ་རན་སིའི་སྲིད་འཛིན་མཆོག་རྒྱ་ནག་གི་ཨོ་ལིམ་པིག་གི་ལུས་རྩལ་འགྲན་ཚོགས་ཐོག་ཕེབས་བཞུགས་གནང་རྒྱུའི་གནད་དོན་དེ་ཚོའི་ཐད་ཚོགས་མི་ཡུལ་ཁག་༢༧གྱིས་དགོངས་ཚུལ་དང་མཐུན་པའི་ཕྱག་བཞེས་བསྟར་རྒྱུ་ཡིན་སྐོར་གསུང་ཡོད་པའི་སྐོར་འགྲེལ་བརྗོད་གནང་བཞག།