ཧོང་ཀོང་ར་ཤི་ཡའི་རྒྱལ་སའི་མིག་དཔེར་བསྒྱུར་ཡོད་པ།

• 
  2011-04-17

༄༅༎ར་ཤི་ཡའི་སྲིད་འཛིན་ཌི་མི་ཊིརི་མེརྡ་ལྦེ་རྡེལྦ་མཆོག་གིས་སྣེ་ཁྲིད་པའི་ཚོང་དོན་སྐུ་ཚབ་ཚོགས་པ་ཞིག་ཧོང་ཀོང་ནང་གཟིགས་སྐོར་ཡོད་པ་ལྟར་རེས་གཟའ་ཉི་མའི་ཉིན་ར་ཤི་ཡའི་སྲིད་འཛིན་གྱིས་ཧོང་ཀོང་གིས་ཉམས་མྱོང་གང་བསགས་པ་དེ་ང་ཚོས་མིག་དཔེ་བལྟ་ས་ཤིག་ཆགས་ཡོད་སྐོར་གསུངས་གནང་འདུག གཟིགས་སྐོར་འདིའི་ཐོག་ནས་དཔལ་འབྱོར་གྱི་དཀའ་ངལ་ཆེན་པོའི་ནང་ལྷུངས་པའི་ར་ཤི་ཡས་སླད་ཕྱིན་ཆད་ནས་རྡོ་སྣུམ་གྱི་ཚོང་འབྲེལ་ཁོ་ན་མ་ཡིན་པར་ཚོང་འབྲེལ་རྒྱ་བསྐྱེད་ཀྱིས་ཕྱི་རྒྱལ་ནས་མ་རྩ་འཛུགས་རྒྱུའི་ཁོར་ཡུག་བསྐྲུན་རྒྱུའི་ཁས་ལེན་གནང་ཡོད་འདུག སྲིད་འཛིན་མེརྡ་ལྦེ་རྡེལྦ་དང་ཧོང་ཀོང་གི་སྤྱི་ཁྱབ་ཌོ་ནལྜི་ཙང་རྣམ་གཉིས་མཇལ་འཕྲད་སྐབས་ར་ཤི་ཡས་ཧོང་ཀོང་གི་དཔལ་འབྱོར་གྱི་ལམ་ལུགས་དེར་ཤི་ཡས་མིག་དཔེ་ལེན་ས་ཤིག་ཆགས་ཡོད་པས་ ར་ཤི་ཡ་ཡང་རིང་མིན་ཧོང་ཀོང་ནང་བཞིན་རྒྱལ་སྤྱིའི་ཚོང་འབྲེལ་གྱི་ལྟེ་གནས་ཤིག་ཏུ་བསྒྱུར་རྒྱུའི་སྐོར་བཀའ་བསྡུར་གནང་ཡོད་འདུག ཧོང་ཀོང་གི་སྤྱི་ཁྱབ་ཀྱིས་བར་ལམ་ནས་ར་ཤི་ཡའི་རང་འབྱུང་གཏེར་ལས་ཁང་གཉིས་ཧོང་ཀོང་གི་མ་བཤེར་ཁྲོམ་རའི་ནང་འཛུལ་ཞུགས་བྱས་ཡོད་པ་དེར་བསྡགས་བརྗོད་གནང་འདུག།