ပြန်လာမယ့်လူစာရင်းမှာ အကြမ်းဖက်အဖွဲ့ဝင် ပါ မပါ ပြည်ထဲရေး စစ်ဆေးနေ
2018.02.21
အသံဖိုင် နားဆင်ရန်နှင့် ရယူရန်
ဘင်္ဂလားဒေ့ရှ်ကနေ မြန်မာနိုင်ငံကို ပြန်လာမယ့် လူဦးရေ ၈ ထောင်ကျော်စာရင်းမှာ အကြမ်းဖက်အဖွဲ့ဝင်တွေ ပါဝင်မှု ရှိ၊ မရှိကို ပြည်ထဲရေးဝန်ကြီးဌာနက စစ်ဆေးနေပြီး အကြမ်းဖက်အဖွဲ့ဝင်တွေ မပါကြောင်း စစ်ဆေးအတည်ပြုပြီးမှသာ မြန်မာနိုင်ငံအတွင်း အမှန်တကယ်နေထိုင်ခဲ့ဖူးသူတွေ ဟုတ်၊ မဟုတ် ဆိုတာကို လူဝင်မှုကြီးကြပ်ရေးနဲ့ ပြည်သူ့အင်အားဝန်ကြီးဌာနက ဆက်လက်စစ်ဆေးမှာဖြစ်ပါတယ်။
ပြန်လည်လက်ခံရေးလုပ်ငန်းစဉ်အတွက် ဘင်္ဂလားဒေ့ရှ်ဘက်က ပေးပို့တဲ့စာရင်းတွေအပေါ် စိစစ်ဆောင်ရွက်နေတဲ့ အခြေအနေတွေနဲ့ ပတ်သက်ပြီး လူဝင်မှုကြီးကြပ်ရေးနဲ့ ပြည်သူ့အင်အားဝန်ကြီးဌာန အမြဲတမ်းအတွင်းဝန် ဦးမြင့်ကြိုင် ကို RFA သတင်းထောက် မဝေမာထွန်း က ဆက်သွယ်မေးမြန်းထားပါတယ်။
