ဒုရဲမှူးမိုးရန်နိုင်၊ ရိုက်တာသတင်းထောက်နှစ်ဦးအမှုနဲ့ တရားစီရင်ရေးအလင်းတန်း

ဒုရဲမှူးမိုးရန်နိုင်ကို မယုံကြည်ရတဲ့သက်သေအဖြစ် တရားလိုဘက်က လျှောက်လဲချက်ကို ပယ်ချလိုက်တဲ့ တရားရုံးရဲ့ဒီကနေ့ဆုံးဖြတ်ချက်ကို မြန်မာရှေ့နေတွေ၊ ရိုက်တာစ်သတင်းဌာနဘက်ကရှေ့နေတွေ၊ နိုင်ငံတကာရှေ့နေတွေနဲ့ ဒီကနေ့တရားခွင်ကို လာရောက်နားထောင်သူတွေအားလုံးက အသိအမှတ်ပြုလေးစားကြပြီး တရားစီရင်ရေးစနစ်အတွက် အလင်းတန်းတခုအဖြစ် သုံးသပ်တယ်လို့ သတင်းထောက်နှစ်ယောက်ရဲ့ရှေ့နေ ဦးခင်မောင်ဇော်က ပြောပါတယ်။ ဦးခင်မောင်ဇော်ကို မခက်မာ ဆက်သွယ်မေးမြန်းထားပါတယ်။