မပြေလည်သေးတဲ့ ငြိမ်းချမ်းရေးဆွေးနွေးပွဲ

ကရင်ပြည်နယ် လော်ခီးလာညီလာခံကနေ အသစ်ဖွဲ့စည်းလိုက်တဲ့ “တနိုင်ငံလုံး အပစ်အခတ် ရပ်စဲရေး အဆင့်မြင့်ညှိနှိုင်းရေးကိုယ်စားလှယ် အဖွဲ့” အဖွဲ့ဝင်တွေဟာ ဝန်ကြီးဦးအောင်မင်းဦးဆောင်တဲ့ အစိုးရ ငြိမ်းချမ်းရေးကိုယ်စားလှယ်အဖွဲ့နဲ့ မြန်မာငြိမ်းချမ်းရေးစင်တာမှာ မနေ့က အလွတ်သဘော တွေ့ဆုံဆွေးနွေးခဲ့ပါတယ်။ ဒီဆွေးနွေးပွဲနဲ့ပတ်သက်ပြီး ညှိနှိုင်းရေးကိုယ်စားလှယ်အဖွဲ့က ရန်ကုန် ဗဟန်းမြို့နယ်က Green Hill ဟိုတယ်မှာ သတင်းစာရှင်းလင်းပွဲ ပြုလုပ်ခဲ့ပါတယ်။ RFA သတင်းထောက် ကိုကျော်ထွန်းနိုင်က တင်ပြထား ပါတယ်။