ရိုက်တာ သတင်းထောက်အမှု ပြင်ဆင်မှုအယူခံတင်
ထောင် ၇ နှစ် ချမှတ်ခံထားရတဲ့ ရိုက်တာ သတင်းထောက်နှစ်ဦးရဲ့အမှုကို ရန်ကုန်တိုင်း တရားလွှတ်တော်မှာ တင်ပြခဲ့တဲ့ အယူခံကို ပလပ်လိုက်တာကြောင့် နေပြည်တော်က ပြည်ထောင်စု တရားလွှတ်တော်ချုပ်ထံ ဒီကနေ့ ပြင်ဆင်မှု တင်လိုက်ပါတယ်။
-
2019-02-01 -
-
-
Your browser doesn’t support HTML5 audio
ထောင် ၇ နှစ် ချမှတ်ခံထားရတဲ့ ရိုက်တာ သတင်းထောက်နှစ်ဦးရဲ့အမှုကို ရန်ကုန်တိုင်း တရားလွှတ်တော်မှာ တင်ပြခဲ့တဲ့ အယူခံကို ပလပ်လိုက်တာကြောင့် နေပြည်တော်က ပြည်ထောင်စု တရားလွှတ်တော်ချုပ်ထံ ဒီကနေ့ ပြင်ဆင်မှု တင်လိုက်ပါတယ်။
လုပ်ထုံးလုပ်နည်းအရ တရားဥပဒေဘောင်အတွင်း လျှောက်လဲချက်တွေ ထပ်မံတင်ပြနိုင်ဖို့ အခုလိုလုပ်တာလို့ ရိုက်တာ သတင်းထောက်တွေ လွတ်မြောက်ရေးအတွက် ရှေ့နေအဖြစ် လိုက်ပါဆောင်ရွက်ပေးနေတဲ့ တရားလွှတ်တော် ရှေ့နေ ဦးသန်းဇော်အောင်က ပြောပါတယ်။
ပြင်ဆင်မှု တင်သွင်းလွှာကို ဒီကနေ့မနက်က တင်လိုက်တာဖြစ်ပြီး လက်ခံ၊ မခံဆိုတာကို နောက်တစ်ပတ်လောက် မှာ သိနိုင်မယ်လို့လည်း ဦးသန်းဇော်အောင်က ပြောပါတယ်။
ရိုက်တာ သတင်းထောက်တွေကို ထောင်ချောက်ဆင်ဖမ်းဆီးခဲ့တာဖြစ်ကြောင်း တရားခွင်မှာ ပြောဆိုခဲ့တာကြောင့် ရဲစည်းကမ်းဥပဒေနဲ့ ထောင်ဒဏ် ၁ နှစ် ချမှတ်ခံရတဲ့ ဒုရဲမှူးဟောင်း မိုးရန်နိုင်ဟာ အင်းစိန်အကျဉ်းထောင်ကနေ ဒီနေ့မှာ ပြန်လည်လွတ်မြောက်လာပါတယ်။
ဒီသတင်းကို RFA သတင်းထောက် ကိုထက်အာကာ ပေးပို့တာပါ။