သတင်းနှင့် ဆောင်းပါးများ သိုမှီးရေးစနစ်
2017-11-23
ချင်းပြည်နယ် ပလက်ဝမြို့မှာ တပ်မတော်နဲ့ AA ရက္ခိုင့်တပ်မတော်ကြား ဖြစ်ပွားနေတဲ့ စစ်ပွဲတွေကြောင့် ထွက်ပြေးလာတဲ့ စစ်ဘေး ဒုက္ခသည်တွေအတွက် စားနပ်ရိက္ခာအပြင် အဝတ်အထည်နဲ့ စောင်တွေပါ လိုအပ်နေတယ်လို့ ပလက်ဝမြို့နယ် စစ်ဘေးရှောင် ကူညီစောင့်ရှောက်ရေးအဖွဲ့က ပြောပါတယ်။
2017-11-23
ပြီးခဲ့တဲ့ ကြားဖြတ်ရွေးကောက်ပွဲမှာ ကြံ့ခိုင်ရေးပါတီက အနိုင်ရခဲ့တဲ့ ကျိုင်းတုံမဲဆန္ဒနယ်အမှတ် ၂ က ရွေးကောက်ပွဲရလဒ်ကို ကန့်ကွက်ခဲ့တဲ့အမှု အယူခံအတွက် NLD ကိုယ်စားလှယ်လောင်း ဒေါက်တာဝဏ္ဏစိုးကို ပြည်ထောင်စုရွေးကောက်ပွဲကော်မရှင်က မနေ့က အနိုင်ပေးလိုက်ပါတယ်။
2017-11-23
ပြည်ထောင်စုရွေးကောက်ပွဲကော်မရှင်ဟာ ဘက်လိုက်မှုရှိနေတယ်လို့ ယုံကြည်ကြောင်း ရန်ကုန်မြို့၊ သံလွင်လမ်းမှာပြုလုပ်ခဲ့တဲ့ သတင်းစာရှင်းလင်းပွဲမှာ ပြည်ထောင်စု ကြံ့ခိုင်ရေးနှင့်ဖွံ့ဖြိုးရေးပါတီ ရဲ့ ပြောရေးဆိုခွင့်ရှိသူ ဒေါက်တာနန္ဒာလှမြင့်က ပြောပါတယ်။
2017-11-23
ချင်းပြည်နယ် ပလက်ဝမြို့နယ်မှာ AA နဲ့ တပ်မတော်တို့ကြား ဖြစ်ပွားနေတဲ့ တိုက်ပွဲတွေကြောင့် ထွက်ပြေးနေရတဲ့ ဂုံပြင်ကျေးရွာသားတွေအတွက် စားနပ်ရိက္ခာနဲ့ အနွေးထည်တွေ လိုအပ်နေတယ်လို့ ပလက်ဝမြို့နယ် စစ်ဘေးရှောင် ကူညီစောင့်ရှောက်ရေးအဖွဲ့ကနေ သိရပါတယ်။
2017-11-23
မြန်မာနိုင်ငံကို နိုဝင်ဘာလကုန်ပိုင်းမှာ လာရောက်မယ့် ပုပ်ရဟန်းမင်းကြီးနဲ့အတူ ဆုတောင်း ဝတ်ပြုဖို့အတွက် ကချင်ပြည်နယ်က ကက်သလစ်ဘာသာဝင် အယောက် ၅ ထောင်ကျော်ဟာ ရန်ကုန်မြို့ကို လာရောက်မှာဖြစ်ပြီး အဲဒီအထဲက မီးရထားနဲ့ လာရောက်မယ့် ၃ ထောင်ကျော်ဟာ ဒီကနေ့ မြစ်ကြီးနားကနေ စတင်ထွက်ခွာလာကြပြီဖြစ်ပါတယ်။
2017-11-23
မြန်မာအပြည်ပြည်ဆိုင်ရာ ပူးပေါင်းဆောင် ရွက်ရေးအေဂျင်စီ MICA ရဲ့ ရန်ကုန်တိုင်းနဲ့ ဧရာဝတီတိုင်းအတွင်းမှာရှိတဲ့ လုပ်ငန်းတွေကို ကွင်းဆင်းစိစစ်ခဲ့တဲ့ အမျိုးသားလွှတ်တော် “အစိုးရရဲ့ အာမခံချက်များ၊ ကတိများနဲ့ တာဝန်ခံချက်များ စိစစ်ရေးကေ်ာမတီ” အစီရင်ခံစာကို လွှတ်တော် ကိုယ်စားလှယ် ၈ ဦးက ၂ဝ၁၇ ခုနှစ် နိုဝင်ဘာလ ၂၂ ရက်နေ့က ဆွေးနွေးပြီး အတည်ပြုလိုက်ပါတယ်။
2017-11-23
မြန်မာနိုင်ငံမှာ ဘာသာရေးလူမျိုးရေးကို အခြေခံပြီး အမုန်းစကား Hate Speech တွေ အရင်ကထက် ပြောဆိုလာကြတာတွေနဲ့၊ ဒီကိစ္စအပေါ် အာဏာပိုင်တွေရဲ့ ဆောင်ရွက်မှုတွေ၊ အောက်တိုဘာလ ၃ဝ ရက်နေ့က ဒုဋ္ဌဂါမဏိမင်းတရားတော်ကြောင့် ပြည်တွင်းပြည်ပမှာ ဝေဖန်မှုတွေ ထွက်ပေါ်လာတာတွေနဲ့ ပတ်သက်ပြီး မန္တလေး မြဝတီမင်းကြီးကျောင်းတိုက်ဆရာတော် ဦးအရိယာဘိဝံသနဲ့ စာရေးဆရာမင်းသုည (ဗုဒ္ဓတက္ကသိုလ်) ကလောင်အမည်နဲ့ ဘာသာရေးစာပေတွေ ရေးသားနေတဲ့ အရှင်ဣဿရိယကို ၂ဝ၁၇ နိုဝင်ဘာ ၉ ရက်နေ့က RFA က လျှောက်ထားမေးမြန်းခဲ့ပါတယ်။
2017-11-23
ကရင်ပြည်နယ်၊ ဘားအံမြို့နယ် ဝတ်ကြီးကျေးရွာမှာတည်ဆောက်မယ့် ကျောက်မီးသွေးသုံး လျှပ်စစ်ဓာတ်အားပေးစက်ရုံ စီမံကိန်းနဲ့ ပတ်သက်ပြီး အစိုးရတာဝန်ရှိသူတွေ၊ တိုယိုထိုင်းကုမ္ပဏီနဲ့၊ ဒေသခံတွေ အရပ်ဖက်အဖွဲ့တွေ ဘားအံမြို့ ကြားတောရကျောင်းမှာ ၂ဝ၁၇ ခုနှစ် နိုဝင်ဘာလ ၂၁ ရက်နေ့က ပထမဆုံးအကြိမ် စကားဝိုင်းပြုလုပ်ခဲ့ပါတယ်။
2017-11-22
ရခိုင်ပြည်နယ် မောင်တောမြို့နယ် လေးမိုင်နဲ့ ဇူလရွာအနီးက တောင်ကြောတစ်နေရာက ကာလတန်ဖိုးငွေကျပ် သိန်းပေါင်း တစ်သောင်းတစ်ထောင့်တစ်ရာကျော်တန်ဖိုးရှိတဲ့ WY စိတ်ကြွဆေးပြား ငါးသိန်းခွဲကျော်ကို ရဲတပ်ဖွဲ့က မနေ့က သိမ်းဆည်းရမိခဲ့ပါတယ်။
2017-11-22
နိုဝင်ဘာလဆန်းပိုင်းကစပြီး ချင်းပြည်နယ် ပလက်ဝမြို့မှာ တပ်မတော်နဲ့ ရက္ခိုင့်တပ်မတော် AA တို့ကြား တိုက်ပွဲတွေ ဖြစ်ပွားနေရာ နိုဝင်ဘာ ၁၅ ရက်နေ့လောက်မှာ တိုက်ပွဲတွေ အရှိန်လျော့ သွားပေမယ့် ရခိုင်ပြည်နယ် ဘူးသီးတောင်မြို့နယ် မှာ တိုက်ပွဲ ဖြစ်ပွားခဲ့ပြီးနောက်ပိုင်း ပလက်ဝမှာ လည်း တိုက်ပွဲပြန်လည်ပြင်းထန်လာတယ်လို့ AA ပြန်ကြားရေး တာဝန်ခံ ခိုင်သုခက ပြောပါတယ်။
2017-11-22
ကရင်ပြည်နယ် ဘားအံမြို့နယ် ဝတ်ကြီးကျေးရွာမှာတည်ဆောက်မယ့် ကျောက်မီးသွေးသုံး လျှပ်စစ်ဓာတ်အားပေးစက်ရုံစီမံကိန်းနဲ့ ပတ်သက်ပြီး အစိုးရ၊ တိုယိုထိုင်းကုမ္ပဏီ၊ ဒေသခံတွေနဲ့ အရပ်ဖက်အဖွဲ့တွေ ဒီနေ့ ဘားအံမြို့ ကြားတောရကျောင်းမှာ ပထမဆုံးအကြိမ် စကားဝိုင်းပြုလုပ်ခဲ့ပါတယ်။
2017-11-22
မြန်မာနိုင်ငံရဲ့ လက်ရှိအုပ်ချုပ်ရေးယန္တယားအရ ပြည်သူနဲ့ အနီးစပ်ဆုံးအုပ်ချုပ်ရေးအာဏာပိုင်ဟာ ရပ်ကွက်/ ကျေးရွာ အုပ်ချုပ်ရေးမှူးတွေဖြစ်နေပါတယ်။ ဒါကြောင့် ၅ နှစ်မှတကြိမ်ရတဲ့ ရပ်ကွက်/ ကျေးရွာဥက္ကဌ ရွေးကောက်ပွဲအခွင့်အလမ်းကို ပြည်သူတွေအနေနဲ့အကျိုးရှိရှိ အသုံးချသင့်တယ်လို့ နားလည်သူတွေက အကြံပေးနေကြပါတယ်။
2017-11-22
လိပ်ကျွန်းလူသတ်မှုနဲ့ သေဒဏ်ချမှတ်ခံထားရတဲ့ မြန်မာနိုင်ငံသားနှစ်ဦးအမှုနဲ့ ပတ်သက်ပြီး အယူခံရုံးထံ တင်ပြထားရာ အပြီးသတ်အမိန့်ကို လာမယ့်နှစ် ဇန်နဝါရီလအတွင်း ချမှတ်သွားဖို့ရှိတယ်လို့ လိပ်ကျွန်းအမှု အထူးစုံစမ်းရေးကော်မတီအဖွဲ့ဝင် ဦးကျော်သောင်း ကပြောပါတယ်။
2017-11-22
ရန်ကုန်တိုင်းဒေသကြီး ဧရာဝတီတိုင်းဒေသကြီးတို့မှာရှိတဲ့ မြန်မာအပြည်ပြည်ဆိုင်ရာ ပူးပေါင်းဆောင်ရွက်ရေးအေဂျင်စီ MICA ရဲ့ လုပ်ငန်းတွေကို ကွင်းဆင်းစိစစ်ခဲ့တဲ့ အမျိုးသားလွှတ်တော် အစိုးရဲ့ အာမခံချက်များ၊ ကတိများနဲ့ တာဝန်ခံချက်များ စိစစ်ရေးကေ်ာမတီရဲ့ အစီရင်ခံစာကို လွှတ်တော်ကိုယ်စားလှယ် ၈ ဦးက ဒီနေ့ ဆွေးနွေးပြီး အတည်ပြုလိုက်ပါတယ်။
2017-11-22
NLD အစိုးရက အသစ်ပြန်လည်ဖွဲ့စည်းမယ့် အဂတိလိုက်စားမှု တိုက်ဖျက်ရေး ကော်မရှင်သစ်အပေါ် လူထုရဲ့ အမြင်နဲ့သုံးသပ်ချက်တချို့ကိုတော့ မသင်းသီရိ စုစည်းတင်ဆက်ထားပါတယ်၊
