အသိမ်းခံလယ်မြေပြန်ရရေး မုံရွာမှာဆွေးနွေး

အစိုးရသစ်လကထက်မှာ လယ်သိမ်းခံလယ်သမားတွေ လယ်ယာမြေ ပြန်လည်လုပ်ပိုင်ခွင့်ရရေးအတွက် လွှတ်တော်ကတဆင့် ဘယ်လိုအရေးဆိုမလဲ၊ မတရားတဲ့ လယ်ယာဥပဒေတွေကို ဘယ်လိုနည်းနဲ့ ဖျက်သိမ်းနိုင်အောင် ကြိုးစားမလဲဆိုတာတွေကို ဇူလိုင် ၁၀ ရက်နဲ့ ၁၁ ရက်နေ့တွေက မုံရွာမြို့မှာကျင်းပခဲ့တဲ့ စစ်ကိုင်းတိုင်း ဒေသကြီး တောင်သူလယ်သမားသမဂ္ဂများ လယ်ယာမြေဆွေးနွေးပွဲမှာ ပြောဆိုခဲ့ကြတယ်လို့ လယ်သမားတွေ အရေးဆောင်ရွက်ပေးနေတဲ့ တရားလွှတ်တော်ရှေ့နေ ဦးသိန်းသန်းဦးကပြောပါတယ်။ ဦးသိန်းသန်းဦးကို မခက်မာ ဆက်သွယ်မေးမြန်းထားပါတယ်။