သတင်းနှင့် ဆောင်းပါးများ သိုမှီးရေးစနစ်
2018-05-31
အဆင့်မြင့်ပညာဦးစီးဌာနက ထုတ်ပြန်လိုက်တဲ့ တက္ကသိုလ် ဒီဂရီကောလိပ်နဲ့ ကျောင်းတွေမှာ နိုင်ငံရေးနဲ့ ပတ်သက်တဲ့ ဆွေးနွေးပွဲ၊ စာတမ်းဖတ်ပွဲတွေကို ခွင်မပြုဖို့ ထုတ်ပြန်ချက်နဲ့အတူ NLD အစိုးရအဖွဲ့စာရင်း မငြိမ်သေးတာတွေနဲ့ ပတ်သက်လို့ NLD ဗဟိုပြန်ကြားရေးအဖွဲ့ အတွင်းရေးမှူး မုံရွာအောင်ရှင် ကို မသင်းသီရိ ဆက်သွယ်မေးမြန်းထားပါတယ်။
2018-05-31
တက္ကသိုလ်၊ ဒီဂရီကောလိပ်တွေမှာ ကျောင်းသူ ၊ ကျောင်းသားတွေအနေနဲ့ စာတမ်းဖတ်ပွဲ ၊ ဟောပြောပွဲ၊ ဆွေးနွေးပွဲတွေ ကျင်းပမယ်ဆိုရင် သက်ဆိုင်ရာ ပါမောက္ခချုပ်၊ ကျောင်းအုပ်တွေအပြင် အဆင့်မြင်ပညာဦးစီးဌာနကိုပါ အသိပေးပြီး သဘောထားမှတ်ချက်ယူဆောင်ရွက်ဖို့ အဆင့်မြင့်ပညာဦးစီးဌာနက ကြေညာချက် ထုတ်ပြန်ထားပါတယ်။
2018-05-31
အစိုးရ၊ တပ်မတော် နဲ့ အပစ်ရပ် NCA လက်မှတ်ထိုးထားတဲ့ တိုင်းရင်းသားလက်နက်ကိုင်အဖွဲ့ ၁၀ ဖွဲ့ကြားမှာ ညှိနှိုင်းဖို့ခက်ခဲနေတဲ့ အချက်တွေနဲ့ တတိယအကြိမ် ၂၁ ရာစုပင်လုံညီလာခံ ကျင်းပနိုင်ရေးအတွက် နိုင်ငံရေးကဏ္ဍဆိုင်ရာ အလွတ်သဘောဆွေးနွေးပွဲကို ဒီနေ့ ရန်ကုန်မြို့မှာ ပြုလုပ်ခဲ့ပါတယ်။
2018-05-30
ရန်ကုန်တိုင်းဒေသကြီးအစိုးရအဖွဲ့ ရင်းနှီးမြှုပ်နှံ ထားတဲ့ စီးပွားရေးလုပ်ငန်း ၃ ခုကို တိုင်းစာရင်းစစ်ချုပ်ရုံးကနေ စစ်ဆေးပြီး လွှတ်တော်ထံတင်ပြပေးဖို့ဆိုတဲ့ လွှတ်တော် ကိုယ်စားလှယ် ဒေါ်စန္ဒာမင်းရဲ့ အဆိုကို ဒီနေ့ တိုင်းဒေသလွှတ်တော်မှာ ကိုယ်စားလှယ် ၄ဦးက ဆွေးနွေးခဲ့ပါတယ်။
2018-05-30
ဘင်္ဂလားပင်လယ်အော် အရှေ့အလယ်ပိုင်းမှာ ဖြစ်နေတဲ့ မုန်တိုင်းငယ်ဟာ ဒီနေ့ ညပိုင်းမှာ ရခိုင်ကမ်းရိုးတန်းဒေသတွေဖြစ်တဲ့ စစ်တွေမြို့နဲ့ ကျောက်ဖြူမြို့ကြားကနေ ဖြတ်ကျော်ဝင်ရောက်နိုင်တယ်လို့ မိုးလေဝသနဲ့ ဇလဗေဒ ဒုတိယညွှန်ကြားရေးမှူးချုပ် ဦးကျော်မိုးဦး က ပြောပါတယ်။
2018-05-30
ရှမ်းပြည်နယ်တောင်ပိုင်း ပင်လောင်းမြို့နယ်က တီကျစ်ကျောက်မီးသွေးသုံး လျှပ်စစ်ဓါတ်အားပေးစက်ရုံကို ချက်ချင်းရပ်ဆိုင်းပေးဖို့၊ ဒေသခံလူထုရဲ့ နစ်နာမှုတွေကို ကုစားပေးဖို့ နဲ့ လျော်ကြေးပေးဖို့ ပအိုဝ်းလူငယ်အစည်းအရုံးက ဦးဆောင်ပြီး ဒေသခံတွေရဲ့ သဘောထားကို မနေ့က ကြေညာချက်ထုတ်ပြန်လိုက်ပါတယ်။
2018-05-29
ဧရာဝတီတိုင်းဒေသကြီး သာပေါင်းမြို့နယ်အတွင်း မှာ တရားမဝင် သစ်လုပ်ငန်းတွေကို အဖွဲ့အစည်းနဲ့ လုပ်ကိုင်နေကြပြီး ဌာနဆိုင်ရာဝန်ထမ်းတွေကပါ ပူးပေါင်းပါဝင်ကာ လာဘ်ပေး၊ လာဘ်ယူမှုတွေ ရှိနေတယ်လို့ သာပေါင်းမြို့နယ် တိုင်းဒေသကြီး လွှတ်တော် ကိုယ်စားလှယ် ဒေါ်ခင်မိုးဝါက ပြောပါတယ်။
2018-05-29
တနင်္သာရီတိုင်းဒေသကြီး ထားဝယ်မြို့နယ်က ဘန်းချောင်း ကျောက်မီးသွေးစီမံကိန်းကြောင့် ရင်ဆိုင်ကြုံတွေ့နေရတဲ့ အခြေအနေတွေကို နေပြည်တော် သတ္တုတွင်းဦးစီးဌာန တာဝန်ရှိသူတွေနဲ့ ဒီနေ့ တေ့ွဆုံစဉ် ဒေသခံတွေက တင်ပြလိုက်ပြီး စီမံကိန်းကို အပြီးတိုင် ရပ်ဆိုင်းပေးဖို့လည်း အရပ်ဖက်အဖွဲ့တွေနဲ့အတူ တောင်းဆိုလိုက်ပါတယ်။
2018-05-29
စီမံကိန်းနဲ့ ဘဏ္ဍာရေးဝန်ကြီးအဖြစ် ခန့်အပ်ဖို့ ဒီနေ့အမည်စာရင်း တင်သွင်းခံရတဲ့ ဦးစိုးဝင်းဟာ အတွေ့အကြုံများသူဖြစ်တဲ့အတွက် မြန်မာ့စီးပွားရေးမှာ အပြောင်းအလဲကောင်းတွေဖြစ်လာနိုင်မယ်လို့ စီးပွားရေးလုပ်ငန်းရှင်တွေက ယူဆကြပြီး တဖက်မှာလည်း ဦးစိုးဝင်းဟာ အသက် ၈ဝ ခန့်ရှိပြီဖြစ်တာကြောင့် စွမ်းဆောင်မှုအပိုင်းမှာ လိုအပ်ချက်တွေရှိလာမှာကို စိုးရိမ်မှုတွေလည်း ရှိနေကြပါတယ်။
2018-05-28
အိမ်အကူလုပ်ကိုင်ရင်း မတရားနှိပ်စက်ခံရသဖြင့် သေဆုံးသွားတဲ့ တွံတေးမြိုနယ်က မကရင်မရဲ့ အမှုနဲ့ ပတ်သက်လို့ အမှန်တရားပေါ်ပေါက်ရေးအတွက် ဝိုင်းဝန်ကူညီပေးမယ်လို့ မြန်မာနိုင်ငံ အမျိုးသားလူ့အခွင့်ရေးကော်မရှင်ကပြောပါတယ်။
2018-05-28
အမေရိကန်နိုင်ငံ ဝါရှင်တန်ဒီစီမြို့ကို Pen American အဖွဲ့က ဖိတ်ကြားချက်အရ ရောက်ရှိလာတဲ့ ဧရာဝတီသတင်းဌာနက အကြီးတန်းသတင်းထောက်၊ ကိုလဝီဝမ်ဟာ မနှစ်က ရှမ်းပြည်မြောက်ပိုင်းမှာ ပလောင်လွတ်မြောက်ရေးတပ်ဦး TNLA အဖွဲ့က ပြုလုပ်တဲ့ မူးယစ်ဆေးဝါးဖျက်စီးတဲ့ အခမ်းအနားကို သတင်းသွားယူစဉ်မှာ မတရားသင်းဥပဒေ ၁၇-၁နဲ့ အဖမ်းခံရသူတဦးဖြစ်ပါတယ်။
2018-05-28
ရခိုင်ပြည်နယ် မောင်တောဒေသကိုရောက်နေတဲ့ ပြည်တွင်းပြည်ပဘာသာပေါင်းစုံ ကိုယ်စားလှယ်အဖွဲ့ဟာ ဒီနေ့မှာ ဝေသာလီကျေးရွာ ၊ တောင်ပြိုလက်ဝဲနဲ့ ငါးခူရ ကယ်ဆယ်ရေး စခန်းတွေကို သွားရောက်ခဲ့ပါတယ်။
2018-05-28
ပြီးခဲ့တဲ့ရက်ပိုင်းအတွင်း နေပြည်တော်မှာ ကျင်းပခဲ့တဲ့ နိုင်ငံရေးနဲ့ လုံခြုံရေးဆိုင်ရာ အလွတ်သဘောဆွေးနွေးပွဲက ရရှိလာတဲ့အချက်တွေကို အပစ်ရပ်တိုင်းရင်းသားလက်နက်ကိုင်အဖွဲ့ ၁၀ ဖွဲ့က ခေါင်းဆောင်တွေ ထိုင်းနိုင်ငံ ချင်းမိုင်မြို့မှာ ဒီနေ့ကစပြီး နှစ်ရက်ကြာ ပြန်လည်ညှိနှိုင်းဆွေးနွေးနေကြပါတယ်။
2018-05-26
ချင်းပြည်နယ်အစိုးရအဖွဲ့မှာ လစ်လပ်နေတဲ့ စည်ပင်သာယာရေး၊ လျှပ်စစ်နဲ့ စက်မှုလက်မှုဝန်ကြီး နေရာအတွက် လက်ရှိ အမျိုးသားလွှတ်တော်ရုံး ဒုတိယညွှန်ကြားရေးမှူးချုပ် တာဝန်ထမ်းဆောင်နေ တဲ့ ဦးစိုးထက် ကို ခန့်အပ်တာဝန်ပေးလိုက်ကြောင်း နိုင်ငံတော်သမ္မတရုံးက မနေ့က သတင်းထုတ်ပြန် လိုက်ပါတယ်။
2018-05-26
ဒီကနေ့ပြုလုပ်တဲ့ ကချင်ပြည်နယ် လွှတ်တော် အစည်းအဝေးမှာ နယ်စပ်ဒေသက ဘွဲ့ရလူငယ်တွေ အလုပ်အကိုင်ရရှိရေးအတွက် မေးမြန်းမှုမှာ ပြည်နယ်အစိုးရအဖွဲ့ရဲ့ ဖြေကြားမှုဟာ တာဝန်ခံမှု တာဝန်ယူမှု မရှိဘူးလို့ပြောပြီး နောင်မွန်မြို့နယ် လွှတ်တော်ကိုယ်စားလှယ် ဦးချန်တန်ခင်က ကန့်ကွက်ခဲ့ပါတယ်။
