သတင်းနှင့် ဆောင်းပါးများ သိုမှီးရေးစနစ်
2020-12-31
ထိုင်းနိုင်ငံမှာ တစ်ကျော့ပြန်ဖြစ်ပွားနေတဲ့ ကိုရိုနာဗိုင်းရပ်စ်ကူးစက်မှုကို ထိန်းချုပ်ဖို့ဆိုပြီး မြန်မာရွှေ့ပြောင်းအလုပ်သမားတွေ အများဆုံးရှိနေတဲ့ ဆမွတ်စခွန်ခရိုင်နဲ့ မဲဆောက်မြို့ပါဝင်တဲ့ တက်ချ်ခရိုင်တွေကို ထိုင်းအစိုးရက အသွားအလာကန့်သတ်ထားပါတယ်။
2020-12-24
ကိုဗစ်ကြောင့် ဒေါ်လာ သန်းပေါင်း ၂၃ဝဝ လောက် ဆုံးရှုံးခဲ့ရတဲ့ မြန်မာ့ခရီးသွားလုပ်ငန်း ပြန်နာလန်ထူဖို့ အတွက် ကိုဗစ်အလွန်မှာ အကောင်အထည်ဖော်မယ့် လမ်းပြမြေပုံ စီမံကိန်းတခုကို အစိုးရက ရေးဆွဲထားပါတယ်။
2020-12-23
အမျိုးသားဒီမိုကရေစီအဖွဲ့ချုပ် NLD အစိုးရ ခန့်အပ်တဲ့ အဂတိလိုက်စားမှု တိုက်ဖျက်ရေးကော်မရှင်ဥက္ကဋ္ဌ ဦးအောင်ကြည်လက်ထက်မှာ နိုင်ငံရေးရာထူးရှိသူနှစ်ဦး အပါအဝင် အစိုးရအရာရှိတွေ၊ အရာထမ်းတွေစုစုပေါင်း ၁၅၆ယောက်ကို အရေးယူခဲ့ပါတယ်။
2020-12-17
လက်ရှိ အနောက်နိုင်ငံတွေမှာ အသိအမှတ်ပြုလက်မှတ်ရပြီး အသုံးပြုနေတဲ့ ဖိုင်ဇာကာကွယ်ဆေးဟာ အနုတ် ၇၀ ဒီဂရီအောက် အအေးချိန်နဲ့ သယ်ယူပို့ဆောင်ရမှာမို့ မြန်မာနိုင်ငံကို သယ်ယူပို့ဆောင်နိုင်ရေး အခက်အခဲရှိတယ်လို့ ဗြိတိန်နိုင်ငံ အမျိုးသားကျန်းမာရေးဌာနမှာ အလုပ်လုပ်နေတဲ့ မြန်မာသမားတော် ဒေါက်တာသက်ကိုကိုက RFA ကိုပြောပါတယ်။
2020-12-16
ကပ်ရောဂါကူးစက်မှုနှုန်းမြင့်နေတဲ့ ရန်ကုန်မြို့မှာ လုပ်အားပေးလာလုပ်ကြတဲ့ ကျန်းမာရေးဝန်ထမ်းတွေဟာ လုပ်ငန်းခွင်အတွင်း PPE လို ကျန်းမာရေးသုံးပစ္စည်းတွေ မလုံလောက်တာ၊ စားသောက်ရေး အခက်အခဲရှိတာတွေ ကြုံတွေ့နေရပါတယ်။
2020-12-15
ပုဒ်မ ၅၀၅ (က) နဲ့ရော ဆက်သွယ်ရေး ဥပဒေပုဒ်မ ၆၆ (ဃ)နဲ့ပါ တပ်မတော်ရဲ့ တရားစွဲတာ ခံထားရတဲ့ ဒေါင်းတို့မျိုးဆက် သံချပ်အဖွဲ့က ကျောင်းသားခေါင်းဆောင် ကိုဇေယျာလွင်ကို ဧရာဝတီတိုင်း၊ မအူပင်မြို့နယ် တရားရုံးက ဒီဇင်ဘာလ ၁၅ ရက်နေ့မှာ နောက်ဆုံးအမှုအတွက် ထောင်ဒဏ် ၆ လ အမိန့်ချလိုက်ပါတယ်။
2020-12-15
မန္တလေးခရိုင်အတွင်းက မြို့နယ် ၇ ခုမှာ အခုလ ၅ ရက်နေ့ကနေ ၁၈ ရက်နေ့အထိ နေအိမ်အပြင်မထွက်ရ သတ်မှတ်ထားတာ ဒီနေ့မှာ ၁၁ ရက်မြောက်ရှိလာပါပြီ။ ဒါပေမဲ့လို့ ရောဂါကူးစက်မှု ကျဆင်းသွားတာမရှိဘဲ မန္တလေးခရိုင်အတွင်း တစ်ရက်ကို ကူးစက်သူပျမ်းမျှ ၂၀၀ ဝန်းကျင်ရှိနေတယ်လို့ မန္တလေးတိုင်းအစိုးရအဖွဲ့၊ ကိုဗစ်ကာကွယ်ထိန်းချုပ်၊ ကုသရေးကော်မတီအဖွဲ့ဝင် ရှမ်းတိုင်းရင်းသားဝန်ကြီး ဦးစိုင်းပန်းဆိုင်က ပြောပါတယ်။
2020-12-14
အေးပြီးစိုစွတ်တဲ့ လာနီညာဖြစ်စဉ်မှာ အချိန်အခါမဟုတ် မိုးရွာတတ်လို့ ရိတ်သိမ်းထားတဲ့ ဆောင်းသီးနှံတွေ မပျက်စီးအောင် မိုးလေဝသသတင်းတွေကို နားထောင်ပြီး သတိထားပြင်ဆင်ဖို့ မိုးလေဝသနဲ့ ဇလဗေဒညွန်ကြားမှုဦးစီးဌာန ညွန်ကြားရေးမှူးချုပ် ဦးကျော်မိုးဦးက ပြောပါတယ်။
2020-12-11
ကိုရိုနာဗိုင်းရပ်စ် ကူးစက်ခံရသူတွေထဲ ဝေဒနာပြင်းထန်တဲ့သူတွေ အများအပြားရှိနေပြီး သူတို့တွေကို ကျန်းမာရေးဝန်ထမ်းတွေက အထူးကြပ်မတ်ကုသဆောင်တွေမှာ ဘယ်လို အသက်လုပြုစုပေးနေရတယ်၊ လူနာတွေ ဘယ်လိုခံစားနေရတယ် ဆိုတဲ့အခြေအနေကို သတိထားမိသူနည်းပါတယ်။
2020-12-09
လူ့အခွင့်အရေးချိုးဖောက်တဲ့ နိုင်ငံအဖြစ် ကမ္ဘာမှာ နာမည်ပျက်နဲ့ကျော်ကြားတဲ့ မြန်မာနိုင်ငံရဲ့ ပြည်တွင်းစစ်အတွင်း တိုင်းရင်းသားတွေရဲ့ အခွင့်အရေးဆုံးရှုံးမှုတွေ၊ လွတ်လပ်စွာ ထုတ်ဖော်ခွင့်၊ လွတ်လပ်စွာ ကိုးကွယ်ယုံကြည်ခွင့်၊ တရားစီရင်ရေးမဏ္ဏိုင် အားနည်းချက်တွေနဲ့ ကလေးသူငယ်တွေ အခွင့်အရေး ဆုံးရှုံးမှုတွေ ရှိနေတယ်လို့ လူ့အခွင့်အရေးလှုပ်ရှားသူတွေက ဝေဖန် ထောက်ပြနေကြပါတယ်။
2020-12-07
လက်ရှိအစိုးရသက်တမ်းအတွင်း ငြိမ်းချမ်းရေးလုပ်ငန်းစဉ်တွေဟာ အားရကျေနပ်စရာ မရှိပေမယ့် အစိုးရသစ်လက်ထက်မှာ NLD ရဲ့ ရွေးကောက်ပွဲကြေညာစာတမ်းအတိုင်း အကောင်အထည်ဖော်နိုင်မယ်ဆိုရင် ရေရှည်တည်တံ့တဲ့ ငြိမ်းချမ်းရေးလမ်းကြောင်းကို ရောက်ရှိနိုင်မယ်လို့ မျှော်လင့်ကြောင်း ကရင်အမျိုးသားအစည်းအရုံး KNU တွဲဘက် အထွေထွေ အတွင်းရေးမှူး (၂) ပဒိုစောလှထွန်းက ပြောပါတယ်။
2020-12-07
ကိုရိုနာဗိုင်းရပ်စ် ကာကွယ်ထိန်းချုပ်ရေးဟာ ထင်သလောက် အောင်မြင်မှုမရှိဖြစ်နေတယ်လို့ ရန်ကုန်ပြည်သူ့ဆေးရုံကြီး အရေးပေါ်ဆေးကုသမှု ဌာန ပါမောက္ခ ဒေါက်တာ မော်မော်ဦးက ပြောပါတယ်။
2020-12-02
ရခိုင်ပြည်နယ်မှာ ရွေးကောက်ပွဲ ပြန်ကျင်းပဖို့ အဆင်သင့်ဖြစ်နေပြီလို့ ပြည်နယ်ရွေးကောက်ပွဲ ကော်မရှင်က ပြောပါတယ်။ နိုဝင်ဘာလ ၈ ရက်နေ့ ရွေးကောက်ပွဲမှာ ရခိုင်ပြည်နယ်အတွင်း မဲပေးခွင့်ရှိသူ ၁၆ သိန်းထဲက ၄ သိန်းပဲ မဲပေးခွင့်ရခဲ့တာမို့ လူပေါင်း ၁၂ သိန်း မဲပေးခွင့် ဆုံးရှုံးနေတယ်လို့လည်း ဆိုပါတယ်။
2020-12-01
တပ်မတော်ကာကွယ်ရေး ဦးစီးချုပ်ဗိုလ်ချုပ်မှူးကြီး မင်းအောင်လှိုင်နဲ့ ကချင်နှစ်ခြင်းအသင်းတော် (KBC) ဥက္ကဋ္ဌ ဒေါက်တာ ခလမ်ဆမ်ဆွန်ဦးဆောင်တဲ့အဖွဲ့ ဒီကနေ့ ကချင်ပြည်နယ် မြစ်ကြီးနားမြို့မှာ တွေ့ဆုံခဲ့ပါတယ်။
2020-11-27
လာမယ့်လွှတ်တော်သက်တမ်းသစ်အတွင်းမှာ NLD အစိုးရသစ်အနေနဲ့ (၂၀၀၈) ဖွဲ့စည်းပုံအခြေခံဥပဒေပုဒ်မထဲက ပြင်လို့ရတဲ့ပုဒ်မတွေကို အရင်ပြင်ဖို့နဲ့ တပ်မတော်သား ကိုယ်စားလှယ်တွေမပါဘဲ ကိုယ်စားလှယ် (၅၀) ရာခိုင်နှုန်းကျော်နဲ့ ပြင်လို့ရတဲ့ ပုဒ်မတွေရှိတယ်လို့ ကရင်အမျိုးသားအစည်းအရုံး KNU အထွေထွေ အတွင်းရေးမှူး ပဒိုစောတာဒိုမှူးက ပြောပါတယ်။
