ဧရာဝတီတိုင်းကို မုန်တိုင်းသက်ရောက်မှုများနိုင်
2022.03.20
ပြီးခဲ့တဲ့ ၂၀၀၈ ခုနှစ် ဇူလိုင်လ ၃ ရက်နေ့က နာဂစ်မုန်တိုင်းဒဏ်ကိုခံခဲ့ရတဲ့ ဧရာဝတီမြစ်ဝကျွန်းပေါ်ဒေသ၊ မော်လမြိုင်ကျွန်းက ဒေသခံတွေ အစားအသောက်အထောက်အပံ့တွေ စောင့်ဆိုင်းနေခဲ့စဉ်။
Photo:AFP
ကပ္ပလီပင်လယ်ပြင်နဲ့ ဘင်္ဂလားပင်လယ်အော်မှာ ဖြစ်ပေါ်နေတဲ့ မုန်တိုင်းငယ်ဟာ ဆိုင်ကလုန်းမုန်တိုင်းအဖြစ် မြန်မာနိုင်ငံကို ဦးတည်နေပြီး ဧရာဝတီတိုင်းဒေသကြီးအတွင်းက လပွတ္တာ၊ ငပုတော၊ ပုသိမ်၊ ပြင်စလူ၊ ဟင်္သာတ၊ ဖျာပုံ၊ ဒေးဒရဲ၊ ဘိုကလေးမြို့တွေကို မုန်တိုင်းသက်ရောက်မှု များနိုင်လို့ သတိထားရမယ်လို့ မိုးလေဝသနဲ့ ဇလဗေဒညွှန်ကြားမှု ဦးစီးဌာနက အသိပေးထားပါတယ်။
မုန်တိုင်းအခြေအနေနဲ့ပတ်သက်ပြီး မိုးလေဝသနဲ့ ဇလဗေဒညွှန်ကြားမှု ဦးစီးဌာနရဲ့ ပြောရေးဆိုခွင့်ရှိသူ ညွှန်ကြားရေးမှူး ဦးလှထွန်း ပြောပြချက်ကို နားဆင်နိုင်ပါတယ်။
