အစိုးရတပ် လက်နက်ကြီးပစ်ခတ်မှု အမျိုးသမီးတစ်ဦး ဒဏ်ရာရ

ရှမ်းပြည်နယ်မြောက်ပိုင်း မူဆယ်မြို့နယ်က ကောင်းဝှက်ကျေးရွာမှာ မနေ့ညက ကျေးရွာတွေထဲကို အစိုးရတပ်က လက်နက်ကြီးတွေနဲ့ ပစ်ခတ်ခဲ့တာကြောင့် အမျိုးသမီးတစ်ဦး လက်နက်ကြီးထိမှန်ပြီး ဒဏ်ရာရရှိခဲ့တယ်လို့ သိရပါတယ်။

တပ်မ ၉၉ က ပစ်ခတ်တာဖြစ်ပြီး နေအိမ်တွေထဲ ဝင်ရောက်ရှာဖွေပြီး ငွေတွေလည်းယူသွားတယ်လို့ ကောင်း၀ ဝက်ကျေးရွာက ဒေသခံ ဦးစံထွန်း က ပြောပါတယ်။

"သူတို့ကလှန်းပစ်တယ်၊ ရွာထဲမှာ၊ ကလေးမတစ်ယောက်ကို လှန်းပစ်လိုက်တော့ ပေါက်ကွဲလာတဲ့အစတွေ က ကလေးမရဲ့ပေါင်လယ်အကုန်ထိတယ်၊ ကျနော်တို့လည်း အချိန်မီဆေးခန်းလိုက်ပို့လိုက်တယ်၊ ရွာထဲမှာ သူတို့ဘီဒီုတစ်လုံးရိုက်ခွဲတယ်၊ ပြီးတော့ ကျပ်ငွေ ၁၅ သိန်းယူသွားတယ်၊ တရုတ်ငွေ ၅ သောင်းယူသွား တယ်"

ကျေးရွာထဲမှာ အစိုးရတပ်က ပစ်ခတ်တာမှာ မပေါက်ကွဲသေးဘဲ ကျန်နေတဲ့ လက်နက်ကြီးတွေရှိသေးကြောင်း ရွာသားတွေက ပြောပါတယ်။

ပြီးခဲ့တဲ့ရက်ပိုင်းကလည်း ကွတ်ခိုင်မြို့နယ် ပန်ကူကျေးရွာ အနီးတစ်ဝိုက်မှာ စစ်တပ်က လက်နက်ကြီးတွေနဲ့ ပစ်ခတ်တာကြောင့် နေအိမ်တချို့ ပျက်စီးခဲ့ပါတယ်။

ကွတ်ခိုင်ဘက်မှာ တအာင်းလက်နက်ကိုင်အဖွဲ့နဲ့ကေအိုင်အေအဖွဲ့တွေ အဓိက လှုပ်ရှားတဲ့နေရာဖြစ်ပြီး အစိုးရတပ်စစ်ကြောင်းတွေ သွားလာနေတာကြောင့် တိုက်ပွဲတွေ မကြာခဏဖြစ်ပွားနေပါတယ်။