ကလေးစစ်သားဖြစ်တော့မယ့် ကျောင်းသားငယ် ထွက်ပြေးလွတ်မြောက်လာ
2011.10.27
မောင်ဟိန်းစိုးဝင်းကို အဒေါ်ဖြစ်သူက ခေါင်းလျှော်ရည် ဝယ်ခိုင်းလိုက်ရာက အိမ်ကို ပြန်ရောက်မလာ တာကြောင့် မိဘတွေက ဗိုလ်တထောင် ရဲစခန်းမှာ လူပျောက် တိုင်ကြားခဲ့ပါတယ်။ အမှုကို ဒုရဲအုပ် အောင်နိုင်ဝင်း က လက်ခံခဲ့ပါတယ်။
အိမ်က ထွက်ပြေးခဲ့တဲ့ မောင်ဟိန်းစိုးဝင်းဟာ ကလေးစစ်အသားအဖြစ် စုဆောင်းခံရပြီးတဲ့နောက် ထွက်ပြေး လွတ်မြောက် လာခဲ့တယ်လို့ သိရပါတယ်။
ဖြစ်ပုံကို မောင်ဟိန်းစိုးဝင်းက ပြန်လည် ပြောဆိုရာမှာ - စာမေးပွဲရလဒ် အမှတ်နည်း နေတာကြောင့် မိဘတွေ ဆူပူမှာ စိုးရိမ်ပြီး အိမ်ကနေ ထွက်ပြေးခဲ့ကြောင်း၊ သူ့ကို အမှတ် (၉၂၉) ထောက်/ပို့တပ် မုံရွာက တပ်သား ရောင်စဉ် နဲ့ တပ်သား အောင်ခိုင်ဖြိုး တို့က သူတို့ရဲ့ခရီးစဉ် တလျှောက် ခေါ်ဆောင် သွားရာကနေ ရန်ကုန်မြို့ ပြန်အရောက်မှာ ထွက်ပြေး လာခဲ့ကြောင်း မောင်ဟိန်းစိုးဝင်းက RFA ကို ပြောပါတယ်။
အိမ်ကို ပြန်ရောက်ပြီးတဲ့နောက် မောင်ဟိန်းစိုးဝင်းဟာ ပညာ ဆက်လက် သင်ကြားဖို့ အတွက် လက်ရှိ ကျောင်းပြန် တက်ခွင့်ရအောင် ကြိုးစားနေပါတယ်။ စာမေးပွဲအမှတ် များများရအောင် အရင်ကထက် ပိုပြီး ကြိုးစားမယ် လို့လည်း ပြောပါတယ်။
မောင်ဟိန်းစိုးဝင်း ကို မအင်ကြင်းနိုင် က ဆက်သွယ်မေးမြန်းခဲ့ပါတယ်။
 |
ဆက်သွယ်မေးမြန်းချက်။ |
 |
အသံဖိုင်ယူရန်။ |
ဖတ်ရှုသူအများဆုံး သတင်းများ။
RFA
ဖတ်ရှုသူအများဆုံး သတင်းများ။
သတင်းများ
- မေလကုန်အထိ အပစ်ရပ်သက်တမ်းတိုးကြောင်း စစ်ကောင်စီကြေညာ
- မအောင်မြင်တဲ့ ငြိမ်းချမ်းရေးဆွေးနွေးပွဲအပြီး TNLA ထိန်းချုပ်ဒေသ ဗုံးကြဲခံရ
- RFA မြန်မာပိုင်း ရေဒီယို အထူးအစီအစဉ် (၂၀၂၅ မေ ၃ ရက်)
- ငလျင်ဘေးကာလ လေကြောင်းတိုက်ခိုက်မှုတွေကြောင့် ပြည်သူ ၂၇၀ ကျော် သေဆုံးကြောင်း NUG ထုတ်ပြန်
- ငလျင်ကြောင့် သေဆုံးသူအရေအတွက် ဆက်လက်မြင့်တက်နေ