တရုတ်စွမ်းအင်ကုမ္ပဏီ ဒေါ်လာ ၃ ဘီလျံစီမံကိန်းကြီး မြန်မာနိုင်ငံမှာ ရင်းနှီးမြှုပ်နှံခွင့်ရရှိ


2016.04.05
guangdong-zhenrong-620.jpg Guangdong Zhenrong စွမ်းအင်ကုမ္ပဏီ ဝက်ဘ်ဆိုဒ်ကို တွေ့ရစဉ်
Photo: Guangdong Zhenrong Energy Website

တရုတ်အစိုးရပိုင် ဂွမ်ဒေါင်း ဂျန်ရောင်း Guangdong Zhenrong စွမ်းအင်ကုမ္ပဏီဟာ မြန်မာနိုင်ငံမှာ ၃ ဘီလျံ ရင်းနှီးမြှုပ်နှံပြီး အကောင်အထည်ဖော်မယ့် ရေနံသန့်စင်စက်ရုံစီမံကိန်းအတွက် သဘောတူခွင့်ပြုချက် ရရှိသွားပြီလို့ ကြေညာလိုက်ပါတယ်။

ဒီစီမံကိန်းဟာ မြန်မာနိုင်ငံမှာ ၁၀ စုနှစ်ပေါင်းများစွာအတွင်း အကြီးမားဆုံး နိုင်ငံခြားရင်းနှီးမြှုပ်နှံမှုလည်း ဖြစ် ပါတယ်။ မိမိတို့ ဂွမ်ဒေါင်း ဂျန်ရောင်းကုမ္ပဏီအနေနဲ့ မြန်မာအစိုးရသစ်နဲ့ လက်တွဲဆောင်ရွက်ဖို့ အဆင်သင့် ရှိနေကြောင်း တရုတ်ကုမ္ပဏီ အရာရှိတွေက ပြောပါတယ်။

တစ်နေ့ကို ရေနံစည် ၁ သိန်း သန့်စင်နိုင်မယ့် အဲဒီစီမံကိန်းကို တနင်္သာရီတိုင်းဒေသကြီး ထားဝယ်ဒေသမှာ အကောင်အထည်ဖော်မှာဖြစ်ပြီး၊ ရေနံတင်ဆိပ်ခံတံတားနဲ့ ရေနံသိုလှောင်ဖြန့်ဖြူးရေး အဆောက်အဦးတွေ ပါဝင်မယ်လို့ ဆိုပါတယ်။ ပြည်တွင်းက ဦးတေဇပိုင် ထူးကုမ္ပဏီနဲ့ လက်တွဲဆောင်ရွက်မှာဖြစ်ပြီး တရုတ်ကုမ္ပဏီက ၇၀ ရာခိုင်နှုန်း၊ ထူးကုမ္ပဏီက ၃၀ ရာခိုင်နှုန်း ပိုင်ဆိုင်မှာဖြစ်တယ်လို့လည်း သိရပါတယ်။

ဆက်နွယ်သောသတင်းများ
သတင်းများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။