ဆင်းရဲသားတို့ ဘဝမြှင့်တင်ရေး ပြုပြင်ပြောင်းလဲရေးလိုအပ်

အစိုးရဟာ ပြည်သူလူထုကို မဏ္ဍိုင်ထားပြီး ပြည်သူလူထုရဲ့ လိုအပ်ချက်တွေ၊ မျှော်လင့်တောင့်တချက်တွေကို ဖြည့်ဆည်းပေးရပါမယ်လို့ နေပြည်တော်မှာကျင်းပတဲ့ အမေရိကန်၊ ဥရောပသမဂ္ဂ၊ ဂျပန်၊ ကမ္ဘာ့ဘဏ်နဲ့ နိုင်ငံတကာ ငွေကြေးရန်ပုံငွေအဖွဲ့အပါအဝင် အလှူရှင်များ နှီးနှောဖလှယ်ပွဲမှာ ပြောကြားပါတယ်။

ကုန်ထုတ်လုပ်မှု၊ အလုပ်အကိုင်ဖန်တီးရေးနဲ့ ဝင်ငွေရရှိရေး အခွင့်အလမ်းတွေ တိုးတက်လာဖို့ တဘက်က အလေးထားချိန်မှာ တချိန်တည်းမှာ ကျန်းမာရေး၊ လူမှုဖူလုံရေး၊ လျှပ်စစ်နဲ့ ဆက်သွယ်ရေး ကဏ္ဍပိုင်းတွေ အတွက် လူထုကိုကူညီဖို့ လိုအပ်ပါတယ်လို့ ဦးသိန်းစိန်က ပြောကြားပါတယ်။

နိုင်ငံတကာက အကူအညီရရှိရင် ပိုပြီးထိထိရောက်ရောက်နဲ့  အောင်အောင်မြင်မြင် ဖြည့်ဆည်းပေးနိုင်ပါမယ်လို့လည်း ပြောပါတယ်။

အမျိုးသားစီမံကိန်းနဲ့ ဖွံ့ဖြိုးတိုးတက်ရေး ဝန်ကြီး ဒေါက်တာကံဇော်ကလည်း အစိုးရဟာ နှစ် ၂၀ စီမံကိန်းရေးဆွဲထားပြီး အကြံဉာဏ်တွေ၊ အသိအမြင်ဗဟုတတွေ၊ စနစ်တွေနဲ့ နည်းပညာပိုင်းသာမက ဘဏ္ဍာရေး အကူအညီကိုလည်း ကြိုဆိုတဲ့အကြောင်း အလှူရှင်များ နှီးနှောဖလှယ်ပွဲမှာ  ပြောကြားသွားပါတယ်။