မင်္ဂလာဒုံလေဆိပ်တွင် ဆိုက်ရောက်ဗီဇာ ထုတ်ပေးမည်

ဒီကိစ္စနဲ့ ပတ်သက်ပြ့ီး ပြည်ထောင်စုဝန်ကြီး ဦးခင်ရီကို ဆက်သွယ်မေးကြည့်ရာမှာ -

" Business visa နဲ့ဆိုရင် ကျွန်တော်တို့က အခုပေးတဲ့ ဥစ္စာက အာဆီယံ ၁၀ နိုင်ငံနဲ့ပေါင်းလို့ရှိရင် စုစုပေါင်း နှစ်ဆယ့်ခြောက်လေ။ အဲတာကို ကျွန်တော်တို့က ဆိုက်ရောက်ဗီဇာ ရန်ကုန်လေဆိပ်မှာ ပေးမယ်။ ဒီ Business visa တစ်ခုပဲပေးမယ်။ ကျန်တဲ့ ဗီဇာတွေ သူတို့မနိုင်သေးဘူးလေ၊ ဖြေးဖြေးချင်း ဖြစ်လာမယ်"

အခုအစီအစဉ်အရ အာဆီယံအဖွဲ့ဝင်နိုင်ငံတွေ၊ သြစတေးလျ၊ အမေရိကန်၊ ဗြိတိန်၊ တောင်ကိုရီးယား စတဲ့နိုင်ငံတွေ အပါအဝင် နိုင်ငံပေါင်း ၂၆ နိုင်ငံက စီးပွားရေးလုပ်ငန်းရှင်တွေ အနေနဲ့ ဆိုက်ရောက်ဗီဇာ ရယူနိုင်တော့မှာ ဖြစ်ပါတယ်။

ဗီဇာကြေးက အမေရိကန် ဒေါ်လာ ၅၀ ဖြစ်ပြီး ရက်ပေါင်း ၇၀ နေထိုင်ခွင့်ရရှိမယ်လို့ သိရပါတယ်။ လွန်ခဲ့တဲ့ ၂၀၁၀ ခုနှစ်က အလားတူ ဆိုက်ရောက်ဗီဇာကိစ္စ စီစဉ်ခဲ့ပေမယ့် အဲဒီနှစ် ရွေးကောက်ပွဲ မတိုင်မီမှာဘဲ ဖျက်သိမ်းခဲ့ပါတယ်။