သက်ငယ်မုဒိမ်းမှု ပပျောက်ရေး ထားဝယ်ဒေသခံတွေ ချီတက်တောင်းဆို

"အခုက သက်ငယ်မုဒိမ်းက အရမ်းများလာတယ်ပေါ့နော်။  ထားဝယ်မြို့နယ်မှာပေါ့နော်။ များလာတဲ့ အခါကျတော့ တချို့တွေလည်း  မသိဘူးပေါ့နော်။ ဒေသကသတင်းဆိုရင် ဖော်ပြမှုနည်းတယ်ပေါ့။  အဲ့ဒီလိုမျိုးရှိတယ်ဆိုတာ ကို ပြခြင်းအားဖြင့် တချို့သိလာနိုင်တယ်ပေါ့နော်။  သိလာတဲ့အခါကျတော့ လူတွေကလည်းပဲ သူတို့လည်းပဲ ကာကွယ်ဖို့ နားလည်လာမယ်လို့ ထင်တာပဲပေါ့နော်။"

ဒေသခံတွေဟာ အမျိုးသမီးတွေအပေါ် အကြမ်းဖက်မှုများ ရပ်တန့်ရေး၊ မုဒိမ်းမှုများပပျောက်ရေး၊ သက်ငယ်မုဒိမ်း မှုများ ချက်ချင်းရပ် စတဲ့ ကြွေးကြော်သံတွေ ကြွေးကြော်ပြီး ချီတက်ခဲ့တာဖြစ်ပါတယ်။

ချီတက်ပွဲမှာ ပါဝင်သူတွေဟာ ထားဝယ်မြို့ ဗန်းမော်ရပ်ကနေ ဗိုလ်ချုပ်လမ်းနဲ့ ဆေးရုံလမ်းတလျှောက် ချီတက်ခဲ့ပြီး မြို့တော်ခန်းမအထိ လမ်းလျှောက်ကြတာဖြစ်ပါတယ်။

ဒီကနေ့ လမ်းလျှောက်ချီတက်ပွဲမှာ ထားဝယ်အမျိုးသမီးများသမဂ္ဂ၊ ထားဝယ်လယ်သမားအဖွဲ့နဲ့ အမျိုးသားဒီမိုကရေစီ အဖွဲ့ချုပ်က အဖွဲ့ဝင်တွေလည်း ပါဝင်ကြပါတယ်။