မလေးရှားက ရေယာဉ်ကိစ္စဟာ တိုင်းပြည်ကို စော်ကားတာ လို့ ပြော

"ဘယ်လက်ခံလို့ရမလဲ ဒီဟာကတော့ အဓိပ္ပာယ်မရှိဘူးလေကွာ၊ တို့က နိုင်ငံတော်အစိုးရ ချင်းလာယူရ မှာလေ၊ ရခိုင်ပြည်နယ် တိုက်ရိုက်ဝင်သွားလို့ ဘယ်ရမလဲ၊ ဒီဟာကတော့ လက်ခံစရာအကြောင်းတစ်ခု မှရှိဘူး၊ လက်လည်းမခံဘူး၊ လာချင်ရင် တရားဝင်နိုင်ငံခြားရေးဝန်ကြီးဌာနကတဆင့် လာပါ့မယ်၊ ဗဟိုအစိုးရကိုပဲ လာသတင်းပို့ရမယ်၊ ဘယ်ပြည်နယ်အစိုးရသွားပို့ ဘယ်လက်ခံလို့ရမလဲ၊ ဒါကတော့ တို့နိုင်ငံကိုစော်ကားတာ၊ လက်မခံဘူး ဆော်ရီး ဒါမျိုးလက်မခံဘူး"

ရခိုင်ပြည်နယ်ကိုထောက်ပံ့ဖို့ မလေးရှားနိုင်ငံ အစ္စလာမ်မစ်အဖွဲ့အစည်းများ အတိုင်ပင်ခံကောင်စီက ဦးဆောင် တဲ့အဖွဲ့က ဦးဆောင်တဲ့ ရေယာဉ်တွေဟာ သူတို့သဘောနဲ့ သူတို့ ဇန်နဝါရီလ ၁၀ ရက်မှာ မလေးရှား ကနေ မြန်မာနိုင်ငံကို ထွက်ခွာမယ်လို့ မလေးရှားအခြေစိုက် စတားအွန်လိုင်းမှာ ယခုလ ၂၇ ရက်က ဖော်ပြ ထားပါတယ်။

အကူအညီတွေပေးပို့ခွင့်ရမှု၊ မြန်မာ့ရေပိုင်နက်အတွင်းက ပြန်လည်မောင်းထုတ်ခံရတာနဲ့ မြန်မာ့လုံခြုံရေးတပ်ဖွဲ့တွေ က တားဆီးတာ စတဲ့ အခြေအနေ ၃ မျိုးအနက် တမျိုးမျိုးနဲ့ ရင်ဆိုင်ရမယ်လို့ အဲဒီအဖွဲ့ အတွင်းရေးမှူးချုပ်က ပြော ထားပါတယ်။