မိုးထိမိုးမိ မိသားစု ၁၆ ဦး ဖမ်းဆီးခံနေရဆဲ

မတ်လ ၄ ရက်နေ့က ရွှေမြင်တင်ဘုရားစောင်းတန်း ကနေ အဖမ်းခံလိုက်ရတဲ့ ရမည်းသင်းခရိုင် မိုးထိမိုးမိရွှေလုပ်သားနဲ့မိသားစုဝင်အယောက် ၄၀ ကျော်မှာ ၁၆ ယောက်က ရမည်းသင်းထောင်မှာ ကျန်ရှိနေသေးပြီး၊ ကျန်တဲ့သူတွေကိုတော့ လူကြီး တစ်ယောက် ၅ သိန်း၊ ကလေးတစ်ယောက် ၅ သောင်းနှုန်း ကုမ္ပဏီကပေးပြီး သူတို့ဇာတိဒေသတွေ ဆီ အာဏာပိုင်တွေက ပြန်ပို့လိုက်တယ်လို့သိရပါတယ်။

မိုးထိမိုးမိရွှေနယ်မြေမှာ အမျိုးသားကြီးပွားတိုးတက်ရေး ကုမ္ပဏီက မောင်းထုတ်လို့ မူလလုပ်ကိုင် စားသောက်နေသူတွေ နေထိုင်လုပ်ကိုင် ခွင့်ပျောက်ပြီး တောင်ခြေက ရွှေမြင်တင် ဘုရားစောင်းတန်းမှာ ၄ လကျော် ခိုလှုံနေခဲ့ရာမှာ ကလေး၊ လူကြီး၊ အမျိုးသမီးအယောက် ၄၀ ကျော်ကို အာဏာပိုင်တွေက ဖမ်းပြီး ရမည်းသင်းထောင်ကို ပို့ထားတဲ့ကိစ္စဖြစ်ပါတယ်။

ရမည်းသင်းထောင်ထဲမှာ ကျန်နေသေးတဲ့သူတွေအတွက်ကိုလည်း ဗမာနိုင်ငံလုံးဆိုင်ရာ ကျောင်းသားသမဂ္ဂများ အဖွဲ့ချုပ်၊ ရန်ကုန်ပြည်သူ့အကျိုးတော်ဆောင်ကွန်ရက်နဲ့ လူမှုရေးနိုင်ငံရေးဆောင်ရွက်ပေးတဲ့ ရှေ့နေတွေက ဆက်လက်ကူညီကြမယ်လို့သိရပါတယ်။

ဒီကိစ္စနဲ့ပတ်သက်လို့ ရန်ကုန်ပြည်သူ့အကျိုးတော်ဆောင်ကွန်ရက် တာဝန်ခံ ကိုဝေဠုကို RFA ဝိုင်းတော်သား ကိုနေရိန်ကျော် ဆက်သွယ်မေးမြန်းထားတာ နားဆင်နိုင်ပါပြီ။