ငြိမ်းချမ်းရေးအတွက် လမ်းလျှောက်သူများ နေပြည်တော်သို့ ရောက်ရှိ
2013.02.02
ရန်ကုန်မြို့ မြို့တော်ခန်းမရှေ့ကနေ ကေအိုင်အိုဌာနချုပ်ရှိရာ လိုင်ဇာမြို့အထိ မိုင်ပေါင်း ၈၀၀ ချီတက်လမ်းလျှောက်ဆန္ဒပြမယ့် ငြိမ်းချမ်းရေးလိုလားသူတစ်စုကို အင်းစိန်လမ်းမပေါ်တွင်တွေ့ရစဉ်
ငြိမ်းချမ်းရေး လမ်းလျှောက်တဲ့ ခရီးစဉ်မှာ ဒေသဆိုင်ရာ အာဏာပိုင်တွေဘက်က နှောင့်ယှက်တာတွေရှိခဲ့ပေမယ့် စစ်ပွဲဖြစ်နေတဲ့ လိုင်ဇာအထိ ရောက်အောင်သွားပြီး ငြိမ်းချမ်းရေးအလံ စိုက်ထူမယ်လို့ လမ်းလျှောက်ရာမှာပါဝင်တဲ့ ဦးမောင်စန်းက RFA ကို အခုလိုပြောပါတယ် ။
"စစ်ပွဲဖြစ်နေတဲ့နေရာတွေမှာ ငြိမ်းချမ်းသွားဖို့အတွက် ပြည်သူလူထုမှာ တာဝန်ရှိတယ်၊ ကျနော်တို့မှာ တာဝန်ရှိတယ်လို့ ယူဆတာကြောင့် တိုက်ပွဲဖြစ်ပွားနေတဲ့ လိုင်ဇာမြို့အထိ လမ်းလျှောက်ပြီး ငြိမ်းချမ်းရေးအလံတိုင်ကို စိုက်ထူမယ်"
ရန်ကုန်မြို့က စတင်ထွက်ခွာလာတာ ဒီကနေ့ နေပြည်တော်ကို ရောက်ရှိတဲ့အထိ ၁၃ ရက် ကြာမြင့်ခဲ့ပြီး ခရီးစဉ်တစ်လျှောက်ရရှိခဲ့တဲ့ အလှူငွေ ၄၉ သိန်းနဲ့၊ အဝတ်အထည်၊ ဆေးဝါးအားလုံးကို ကချင်စစ်ဘေးသင့်ပြည်သူတွေကို လှူဒါန်းသွားမယ်လို့ သိရပါတယ်။
အဲဒီ ငြိမ်းချမ်းရေးအတွက် လမ်းလျှောက်သူတွေဟာ နေပြည်တော်၊ ဇေယျာသီရိမြို့နယ်၊ နန်းအောကျေးရွာမှာ ဒီကနေ့ ညအိပ်ရပ်နားမှာဖြစ်ပါတယ်။
ဖတ်ရှုသူအများဆုံး သတင်းများ။
RFA
ဖတ်ရှုသူအများဆုံး သတင်းများ။
သတင်းများ
- RFA မြန်မာပိုင်း ရေဒီယို အထူးအစီအစဉ် (၂၀၂၅ မေ ၈ ရက်)
- စဉ့်ကူးမြို့နယ်မှာ ဗုံးကြဲတိုက်ခိုက်လို့ တစ်ဦးသေဆုံး၊ လေးဦးဒဏ်ရာရ
- RFA မြန်မာပိုင်း ရေဒီယို အထူးအစီအစဉ် (၂၀၂၅ မေ ၆ ရက်)
- မေလကုန်အထိ အပစ်ရပ်သက်တမ်းတိုးကြောင်း စစ်ကောင်စီကြေညာ
- ငလျင်ဘေးကာလ လေကြောင်းတိုက်ခိုက်မှုတွေကြောင့် ပြည်သူ ၂၇၀ ကျော် သေဆုံးကြောင်း NUG ထုတ်ပြန်