ရခိုင်ရိုးရာသြင်္ကန်ပွဲတော် သင်္ကန်းကျွန်းမှာ ဖွင့်လှစ်

ရခိုင်တိုင်းရင်းသားတွေရဲ့ ၁၁ ကြိမ်မြောက် ရိုးရာသြင်္ကန်ပွဲတော်ကို ရန်ကုန်မြို့ သင်္ကန်းကျွန်းမြိုနယ်  သုဝဏ္ဏအားကစားကွင်းမှာ ဒီကနေ့ မွန်းလွဲ ၁ နာရီက စတင်ဖွင့်လှစ်လိုက်ပါတယ်။

ဖွင့်ပွဲအခမ်းအနားကို ရန်ကုန်တိုင်းဒေသကြီး ရခိုင်တိုင်းရင်းသားရေးရာဝန်ကြီး ဦးဇော်အေးမောင် တက်ရောက်ဖွင့်လှစ်ခဲ့တယ်လို့ ရခိုင်ရိုးရာသြင်္ကန် ကျင်းပရေးကော်မတီ ဥက္ကဌ ဒေါက်တာစံလှအောင် က ပြောပါတယ်။

လောင်းလှေတွေနဲ့ ရေပက်ကစားကြတဲ့ ရခိုင်ရိုးရာ သြင်္ကန်ပွဲကို ရခိုင်ပြည်နယ်ကိုယ်စားပြု မဏ္ဍပ် ၁၁ခု၊ ရခိုင်လူမှုအဖွဲ့အစည်းတွေ ကိုယ်စားပြု မဏ္ဍပ် ၅ ခု စုစုပေါင်းမဏ္ဍပ် ၁၆ ခုနဲ့ ရေကစားကြပြီး ရခိုင်ရိုးရာစားသောက်ဆိုင် ၅၀ကျော်ကိုလည်း ဖွင့်လှစ်ရောင်းနေပါတယ်။ ဒီနေ့ဖွင့်ပွဲအခမ်းအနားကို ရခိုင်တိုင်းရင်းသား တစ်သောင်းနီးပါး တက်ရောက်ခဲ့တယ်လို့ သိရပါတယ်။