ဖားကန့်မြို့နယ်က စစ်ဘေးဒုက္ခသည်တွေကို ကချင်ပြည်နယ် ကြက်ခြေနီအဖွဲ့လှူဒါန်း

ကချင်ပြည်နယ် ဖားကန့်မြို့နယ် အတွင်းမှာရှိတဲ့ စစ်ဘေးရှောင် ဒုက္ခသည်တွေကို ကချင်ပြည်နယ် ကြက်ခြေနီကြီးကြပ်မှုကော်မတီနဲ့ ကယ်ဆယ်ရေးနဲ့ ပြန်လည်နေရာချထားရေး ဦးစီးဋ္ဌာနတို့က ကျပ်သိန်း ၆၃၀ တန်ဖိုးရှိတဲ့ ပစ္စည်းတွေ ဒီကနေ့ ဖေဖေါ်ဝါရီလ ၆ ရက်နေ့မှာ သွားရောက် လှူဒါန်းခဲ့ပါတယ်။

2013.02.06
kachin-refugees305 ကချင်ဒုက္ခသည်စခန်းတစ်ခုအတွင်းက ဒုက္ခသည်စခန်းတစ်ခုကို တွေ့မြင်ရစဉ်။
Photo:RFA/Kyaw Myo Min

ဖားကန့်မြို့နယ်အတွင်းမှာ ခိုလှုံနေကြတဲ့ စစ်ဘေးရှောင် အိမ်ထောင်စု ၁၄၇၄ အတွက် အဝတ်အထည်၊စောင် စတဲ့ မိသားစု သုံးပစ္စည်းတွေနဲ့ မီးဖိုချောင်သုံးပစ္စည်းတွေ လှူဒါန်းခဲ့တာ ဖြစ်ပါတယ်။

ပစ္စည်းတွေကို ဆယ်ဘီးကား ၃ စီးနဲ့ သယ်ယူသွားနိုင်ဖို့အတွက် လမ်းခရီးလုံခြုံရေးကိုတော့ ကချင်ပြည်နယ် အစိုးရအဖွဲ့နဲ့ ငြိမ်းချမ်းရေး ဆွေးနွေးရေး အကျိုးဆောင်အဖွဲ့ (PCG) တို့က အကူအညီပေးခဲ့တာလို့ ကြက်ခြေနီအဖွဲ့က ဦးဂဲနက်(စ်) က ပြောပါတယ်။

ကချင်ပြည်နယ် ကြက်ခြေနီအဖွဲ့ရဲ့ ဇန်နဝါရီ ၃၁ ရက်နေ့ စာရင်းတွေအရ ဖားကန့်မြို့နယ်က ကယ်ဆယ်ရေးစခန်းတွေမှာ လာရောက် ခိုလှုံနေကြတဲ့ စစ်ဘေးရှောင်ပြည်သူ အိမ်ထောင်စု ၁၇၀၀ ကျော်နဲ့ လူဦးရေစုစုပေါင်း ၇ ထောင်ကျော်ရှိတယ်လို့ သိရပါတယ်။

ဆက်နွယ်သောသတင်းများ
သတင်းများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။