ဘာသာရေးနဲ့ လူဦးရေထိန်းချုပ်မှု ဥပဒေပြဌန်းရေး ကော်မရှင်ဖွဲ့

ကိုးကွယ်ရာဘာသာ ကူးပြောင်းခြင်းဆိုင်ရာ ဥပဒေနဲ့ လူဦးရေတိုးပွားနှုန်း ထိန်းညှိရေးဆိုင်ရာဥပဒေ ၂ ရပ် ပြဋ္ဌာန်းရေးအတွက် ဥပဒေကြမ်းရေး ဆွဲရေးကော်မရှင်ကို သမ္မတ ဦးသိန်းစိန်က မနေ့က မတ်လ ၇ ရက်နေ့စွဲနဲ့ ဖွဲ့စည်းလိုက်ပါတယ်။

အဲဒီကော်မရှင်ကို ပြည်ထောင်စုရှေ့နေချုပ်ရုံး ဒုတိယရှေ့နေချုပ် ဦးထွန်းထွန်းဦးက ဥက္ကဌ၊ ပြည်ထောင်စုရှေ့နေချုပ်ရုံး ဒုတိယ ညွှန်ကြားရေးမှူးချုပ် ဦးဝင်းမြင့်က အတွင်းရေးမှူး အဖြစ်နဲ့ တာဝန်ယူရမှာဖြစ်ပြီး စုစုပေါင်း လူပုဂ္ဂိုလ် ၁၂ ဦးနဲ့ဖွဲ့စည်းလိုက်တာဖြစ်ပါတယ်။

သမ္မတရုံးရဲ့ ကြေညာချက်မှာ ကော်မရှင်ရဲ့ လုပ်ငန်းတာဝန်တွေအတွက် လိုအပ်တဲ့ဘဏ္ဍာငွေကို သမ္မတရုံးက ကုန်ကျခံမယ်လို့ဆိုပါတယ်။

ဒီဥပဒေမူကြမ်း ၂ ရပ်ကို လာမယ့် ဇွန်လကုန်မှာ သမ္မတဆီတင်ပြရမယ်လို့လည်း ကာလသတ်မှတ်ထားပါတယ်။