စစ်တွေက ကျူးကျော်တဲ ၂ဝဝ ကျော်ကို ပြောင်းရွှေ့

"အရံမီးသတ်တို့ မီးသတ်ဌာနတို့က ဝိုင်းဝန်းပြီးတော့ ပစ္စည်းတွေပြောင်းပေးတယ်၊ ကားကတော့ အစိုးရအဖွဲ့က စီစဉ်ပေးထားတာပေါ့၊ စစ်မှုထမ်းဟောင်း အိမ်ရာ ဆောက်မယ့်နေရာ ဧက ၆ ဧကပေါ်မှာ ပါဝင်နေတဲ့အတွက် အစိုးရကနေပြီးတော့ ရွှေ့ပေးရတာဖြစ်ပါတယ်ခင်ဗျ"

ဒီနေ့မနက်ပိုင်းအထိ တဲအလုံး ၈၀ လောက်ပြောင်းရွှေ့ပြီးပြီ ဖြစ်ပြီး အားလုံးပြောင်းဖို့အတွက် အချိန် ၄ ရက်လောက် ကြာနိုင်တယ်လို့လည်း ဦးညွန့်ဝင်း က ပြောပါတယ်။

အဲဒီကျူးကျော်တဲတွေဟာ မင်းဂံတိုးချဲ့ရပ်ကွက်မှာ မိမိတို့ဘာသာ ပြန်ဆောက်ရမှာဖြစ်ပြီး ပြည်နယ်အစိုးရက မြေ အကျယ် ၂၀×၃၀ စီပြန်ပေးထားတာဖြစ်ပါတယ်။

အဲဒီ ကျူးကျော်တဲ ၂၀၀ ကျော်ဆိုတာဟာ စစ်မှုထမ်းဟောင်း အိမ်ရာဆောက်မယ့် ဧရိယာထဲပါဝင်နေတဲ့ အရေအတွက်သာဖြစ်ပြီး စက်ရုံစုရပ်ကွက်မှာ ကျူးကျော်တဲ စုစုပေါင်းဆိုရင် ၁ ထောင်ကျော်လောက် ရှိနိုင်တယ်လို့ လည်း ပြောပါတယ်။

အဲလိုပြောင်းရွှေ့ပေးဖို့အတွက် ဧရိယာထဲပါဝင်နေတဲ့တဲတွေကို ပြီးခဲ့တဲ့ ၂ လလောက်ထဲက စာရင်းတွေကောက် ယူခဲ့ပြီး အငြင်းပွားမှုတွေ မဖြစ်အောင် နေထိုင် သူတွေကိုလည်း ဓါတ်ပုံတွေ ရိုက်ယူထားပြီး စာရင်းလုပ်ခဲ့ရ တာဖြစ်တယ်လို့လည်း သိရပါတယ်။