သရပါ အလုပ်သမားသပိတ် ဖြိုခွဲခံရ


2018.12.11
tharabar-protest-160.jpg သရပါဟိုတယ်ရှေ့က သပိတ်စခန်းကို ၂၀၁၈ ဒီဇင်ဘာလ ၁၁ ရက်နေ့ မနက်အစောပိုင်းက ဖြိုခွင်းခဲ့စဉ်
Credi - Yar Zar Min

ပုဂံမြို့ဟောင်း သရပါဟိုတယ်ကနေ အလုပ်ထုတ်ခံရတာကြောင့် အလုပ်ပြန်ခန့်ပေးဖို့ တောင်းဆိုနေတဲ့ အလုပ် သမားတွေ သပိတ်စခန်းကို ဒီနေ့မနက်အစောပိုင်းမှာ ညောင်ဦးမြို့နယ်အုပ်ချုပ်ရေးအဖွဲ့က ဦးဆောင်ပြီး လူအင်အား ၁၀၀ ဝန်းကျင်လောက်နဲ့ လာရောက်အကြမ်းဖက် ဖြိုခွင်းခံရတယ်လို့ သပိတ်ခေါင်းဆောင်တွေက ပြောပါတယ်။

ပြီးခဲ့တဲ့ ဒီဇင်ဘာ ၈ ရက်နေ့ကတည်းက သပိတ်စခန်းကို ၂၄ နာရီအတွင်း ဖျက်သိမ်းရမယ်ဆိုပြီး စာပေးပို့ အကြောင်း ကြားထားတာဖြစ်ပေမယ့် အလုပ်သမားတွေရဲ့ တောင်းဆိုချက်တွေကို ပြေလည်အောင် ဖြေရှင်းမပေးတာကြောင့် ဆက်ပြီးတောင်းဆိုနေတာဖြစ်ကြောင်း အလုပ်သမားတွေကို ကူညီပေးနေတဲ့ ဟိုတယ်ချစ်သူ မြို့နယ်အလုပ်သမား အဖွဲ့ ဥက္ကဌ ဦးသိန်းရွှေ က RFA ကိုပြောပါတယ်။

သပိတ်စခန်းဖွင့်တောင်းဆိုတာ မနက်ဖြန်ဆို ၂ လပြည့်မှာဖြစ်တယ်လို့လည်း ပြောပါတယ်။ သပိတ်စခန်း ထပ်မံဖွင့်လှစ်မယ်ဆိုရင် ဖမ်းဆီးအရေးယူတာတွေ ပြုလုပ်မယ်လို့ အာဏာပိုင်တွေက ပြောဆိုတယ်လို့လည်း သိရပါတယ်။

ပုဂံမြို့ဟောင်း သရပါဟိုတယ်က အလုပ်ထုတ်ခံရတဲ့ အလုပ်သမားသမဂ္ဂခေါင်းဆောင် ၂ ယောက်အပါအဝင် အလုပ်သမား ၉ ယောက်ဟာ သူတို့ကို အလုပ်ပြန်ခန့်ပေးဖို့ တောင်းဆိုနေတာဖြစ်ပါတယ်။

ဒီသတင်းကို RFA သတင်းထောက် မသီရိမင်းဇင် ပေးပို့တာပါ။

ဆက်နွယ်သောသတင်းများ
သတင်းများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။