သောင်ရင်းမြစ်ကမ်းထိန်းနံရံ တည်ဆောက်မည်

ကရင်ပြည်နယ် မြဝတီမြို့က သောင်ရင်းမြစ်ကမ်းထိန်းနံရံ တည်ဆောက်ဖို့ကို လွှတ်တော်ကနေ အမြန်ဆုံး လုပ်ဆောင်ပေးသွားမယ်လို့ ပြည်ထောင်စုလွှတ်တော်နာယက ဦးမန်းဝင်းခိုင်သန်းက ပြောကြားလိုက်ပါတယ်။

ဒီနေ့ မြဝတီမြို့ သောင်ရင်းခန်းမမှာပြုလုပ်တဲ့ လူထုတွေ့ဆုံပွဲ အခမ်းအနားမှာ ဒေသခံတွေရဲ့ တင်ပြတောင်းဆိုချက် ကို အမြန်ဆုံးအကောင်အထည်ဖော်ပေးမယ်လို့ ဦးမန်းဝင်းခိုင်သန်းက ပြောကြားခဲ့ကြောင်း မြဝတီမြို့နယ် ရဲ့ ပြည်နယ်လွှတ်တော်ကိုယ်စားလှယ် ဦးသန့်ဇင်အောင်က ပြောပါတယ်။

"သောင်းရင်းမြစ်ရဲ့ မြစ်ထိန်းနံရံပေါ့နော် ဆောင်ရွက်ဖို့ကို လွှတ်တော်မှာ တင်ပြပေးဖို့ပေါ့နော်၊ အဲ့ဒါကို ဒီမှာရှိတဲ့ လွှတ်တော်ကိုယ်စားလှယ်တွေကလည်း အချက်အလက်လေးတွေကို စုဆောင်းပေးပြီးတော့ ပို့ပေးရမှာပေါ့နော်၊ အဲ့ဒါနဲ့ပတ်သက်ပြီးတော့ ပြည်ထောင်စုလွှတ်တော် နာယကကြီးက ဒီပြည်နယ်ဝန်ကြီးချုပ်ကို ညှိနှိုင်းပြီးတဲ့အခါ ကျတော့ ကျနော်တို့တွေက နေ့ခင်းပိုင်း ၁ နာရီကျော်လောက်မှာ ရိပ်သာမှာ ပြည်နယ်ဝန်ကြီးချုပ်ကနေပြီးတော့ ဒီဟာနဲ့ပါဝင်ပတ်သက်သူတွေကိုခေါ်ပြီးတော့ တွေ့ဆုံပြီးဖြေရှင်းတာကတော့ တော်တေ်ာလေးအဆင်ပြေပါတယ် ခင်ဗျ"