စိတ်ကြွ ဆေးပြားထုတ်လုပ်မှု များလာနေ
2012.12.13
၂၀၁၂ ခုနှစ် ဖေဖော်ဝါရီလ ၂၈ ရက်က ထိုင်းနိုင်ငံ ဘန်ကောက်မြို့ မူးယစ် ဆေးဝါးနှိမ်နင်းရေး အေဂျင်စီရုံးတွင် ပြုလုပ်သည့် သတင်းစာ ရှင်းလင်းပွဲတွင် UNODC ဒေသဆိုင်ရာ ကိုယ်စားလှယ် Mr. Gary Lewis (ယာ)နှင့် INCB ဗဟိုဦးစီး အဖွဲ့ဝင် Dr Virooj Sumyai(ဝဲ) တို့ကိုတွေ့ရစဉ်။
ဒေသတွင်းမှာ Methamphetamine ခေါ် စိတ်ကြွဆေး ထုတ်လုပ်မှုမှာလည်း မြန်မာနိုင်ငံဟာ အဓိက ကျတဲ့ နေရာတခု ဖြစ်နေတာတွေရတယ်လို့ UNODC ခေါ် ကုလသမဂ္ဂ မူးယစ်ေးဆးဝါးတိုက်ဖျက်ရေး အဖွဲ့က ထုတ်ပြန်တဲ့ အစီရင်ခံစာထဲမှာဖော်ပြထားပါတယ်၊
လွန်ခဲ့တဲ့ ၅နှစ်လောက်ကတည်းက ဒီစိတ်ကြွဆေးပြားတွေ စထွက်လာတာဖြစ်ပြီး ဒါကို သုံးစွဲလာတဲ့ နှုန်းဟာလည်း မြင့်လာနေတယ်လို့ UNODC ရဲ့ ဒေသဆိုင်ရာ တာဝန်ခံက ပြောပါတယ်။
ပြီးခဲ့တဲ့နှစ်အတွင်းက မြန်မာနိုင်ငံအတွင်းမှာ စိတ်ကြွဆေးပြား ၆သန်းနီးပါးလောက် ဖမ်းဆီးမိခဲ့ပြီး၊ အဲဒီပမာဏဟာ ၂၀၁၀ ခုနှစ်ထက် ၂ ဆများလာတယ်လို့ ကုလသမဂ္ဂက သတိပေးထားပါတယ်။
အဲဒီလို ဖမ်းဆီးမိတဲ့ပမာဏဟာ မြန်မာနိုင်ငံမှာ စိတ်ကြွဆေးပြား ထုတ်လုပ်နေတာရဲ့ အစိတ်အပိုင်းလောက်သာ ရှိပြီး အိမ်နီးခြင်းနိုင်ငံတွေကို နယ်စပ်ဖြတ်ကျော် ရောင်းချနေတာတွေ မပါသေးဘူးလို့လည်း ဆိုပါတယ်။ ဒါကြောင့်မို့ အာရှတိုက်တွင်း မူးယစ်ဆေးဝါးကူးသန်းရောင်းဝယ်မှုတွေကို တိုက်ဖျက်နိုင်အောင် နိုင်ငံအားလုံး အတူတကွပူးပေါင်းပါဝင်ကြဖို့ ဘန်ကောက်မှာ ပြုလုပ်တဲ့ သတင်းစာရှင်းလင်းပွဲအတွင်း UNODC ရဲ့ ဒေသဆိုင်ရာ တာဝန်ခံကတိုက်တွန်းခဲ့ပါတယ်။
ဖတ်ရှုသူအများဆုံး သတင်းများ။
RFA
ဖတ်ရှုသူအများဆုံး သတင်းများ။
သတင်းများ
- မေလကုန်အထိ အပစ်ရပ်သက်တမ်းတိုးကြောင်း စစ်ကောင်စီကြေညာ
- မအောင်မြင်တဲ့ ငြိမ်းချမ်းရေးဆွေးနွေးပွဲအပြီး TNLA ထိန်းချုပ်ဒေသ ဗုံးကြဲခံရ
- RFA မြန်မာပိုင်း ရေဒီယို အထူးအစီအစဉ် (၂၀၂၅ မေ ၃ ရက်)
- ငလျင်ဘေးကာလ လေကြောင်းတိုက်ခိုက်မှုတွေကြောင့် ပြည်သူ ၂၇၀ ကျော် သေဆုံးကြောင်း NUG ထုတ်ပြန်
- ငလျင်ကြောင့် သေဆုံးသူအရေအတွက် ဆက်လက်မြင့်တက်နေ