ပျက်ကျလေယာဉ်ရှာဖွေရေး ကူညီနေသူတစ်ဦး သေဆုံး

တပ်မတော်(ကြည်း၊ ရေ၊ လေ) မိသားစုများက ကျန်ရစ်သူမိသားစုနဲ့ ထပ်တူဝမ်းနည်းပါကြောင်း၊ ကွယ်လွန်သူရဲ့ မိသားစုဝင်တွေအတွက် လိုအပ်တာတွေ စီစဉ်ဆောင်ရွက်ပေးသွားမယ်လို့ တပ်မတော်ကာကွယ်ရေးဦးစီးချုပ်ရုံးက သတင်းထုတ်ပြန်ထားပါတယ်။

ပြီးခဲ့တဲ့ ဇွန်လ ၇ ရက်နေ့က မြိတ်မြို့ကနေ ရန်ကုန်ကို ထွက်ခွာလာတဲ့ တပ်မတော် သယ်ယူပို့ဆောင်ရေးလေယာဉ် ဟာ ခရီးသည် ၁၂၂ ဦးနဲ့ ကုန်တန်ချိန် ၂ တန်ခွဲနီးပါး တင်ဆောင်လာစဉ် ထားဝယ်မြို့ အနောက်တောင်ဘက် ၄၃ မိုင်ခန့်အကွာမှာ အဆက်အသွယ်ပြတ်တောက်ပြီး ပျက်ကျခဲ့တာပါ။

ဇွန်လ ၂၀ ရက်နေ့အထိ ရုပ်အလောင်း ၉၃ လောင်းကို ရှာဖွေတွေ့ရှိထားတယ်လို့ တပ်မတော်ကာကွယ်ရေး ဦးစီးချုပ်ရုံးက သတင်းထုတ်ပြန်ထားပါတယ်။