အင်းစိန်ထောင်က လွတ်လာတဲ့အကျဉ်းသား ၂၃၀ ကျော်မှာ နိုင်ငံရေးအကျဉ်းသား မပါဝင်
2023.04.17
၂၀၂၃ ခုနှစ်၊ ဧပြီလ ၁၇ ရက်နေ့ မြန်မာနှစ်ဆန်းတစ်ရက်နေ့ ရန်ကုန်မြို့အင်းစိန်ထောင်ရှေ့မြင်ကွင်း။
RFA
အကျဉ်းသားသုံးထောင်ကျော်ကို လွတ်ငြိမ်းသက်သာခွင့်ပေးမယ်လို့ စစ်ကောင်စီက မြန်မာနှစ်ဆန်း ၁ ရက်မှာ ကြေညာပါတယ်။ ဒါကြောင့် ရန်ကုန်အင်းစိန်အကျဉ်းထောင်ကနေ အကျဉ်းသား ၂၃၀ ကျော် လွတ်မြောက်လာပေမဲ့ နိုင်ငံရေးအကျဉ်းသားတစ်ယောက်မှ ပါလာတာမတွေ့သေးဘူးလို့ အင်းစိန်ထောင်ရှေ့ရောက်လာတဲ့ နိုင်ငံရေးအကျဉ်းသား မိသားစုဝင်တစ်ယောက်က RFA ကို ပြောပါတယ်။
"ဒီနေ့လွှတ်ပေးလိုက်တဲ့အထဲမှာ စစ်အာဏာသိမ်းမှုကို ဆန့်ကျင်လို့ ဖမ်းဆီးချုပ်နှောင်ခံထားရတဲ့ နိုင်ငံရေးအကျဉ်းသားတွေပါလာတာမတွေ့ရဘဲ ရာဇဝတ်မှုနဲ့ထောင်ကျနေတဲ့သူတွေ၊ မူးယစ်ဆေးဝါး နဲ့စိတ်ကိုပြောင်းလဲစေတတ်တဲ့ပြစ်မှုနဲ့ကျနေတဲ့သူတွေပဲလွတ်လာတာပဲ တွေ့ရပါတယ်" လို့ပြောပါတယ်။
မြန်မာနှစ်သစ်မင်္ဂလာ အထိမ်းအမှတ်အရရော၊ ပြည်သူလူထုနှလုံးစိတ်ဝမ်း အေးချမ်းစေရေးနဲ့ လူသားချင်း စာနာထောက်ထားမှုကိုအလေးထားတဲ့အနေနဲ့ရော အကျဉ်းသူ/အကျဉ်းသား ၃၀၁၅ ယောက်ကို ပုဒ်မ ၄၀၁ အပိုဒ်ခွဲ (၁) အရ စစ်ကောင်စီက လွှတ်ပေးခဲ့ပါတယ်။
လွတ်လာသူတွေဟာ ပြစ်မှုထပ်ပြီးကျူးလွန်ရင် အဲဒီပြစ်ဒဏ်အပြင် အခုကျန်နေတဲ့ ပြစ်ဒဏ်ပါ ဆက်ပြီး ကျခံရမယ်ဆိုပြီး ခံဝန်ကတိနဲ့လွှတ်ပေးတာလို့ ကြေညာချက်မှာ စစ်ကောင်စီအတွင်းရေးမှူး ဒုတိယဗိုလ်ချုပ်ကြီး အောင်လင်းဒွေး လက်မှတ်ထိုးထားပါတယ်။
မြန်မာနိုင်ငံမှာ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၊ သမ္မတဦးဝင်းမြင့်တို့ကို စစ်ကောင်စီက နှစ်ရှည်ထောင်ဒဏ်တွေချထားသလို စစ်အာဏာသိမ်းတာကို နည်းမျိုးစုံနဲ့ဆန့်ကျင်လို့ ဖမ်းဆီးချုပ်နှောင်ခံနေရတဲ့ သူတွေ အကျဉ်းထောင်အသီးသီးမှာ ၁၇၄၆၀ ကျော်ရှိနေသေးတယ်လို့ နိုင်ငံရေးအကျဉ်းသားများကူညီစောင့် ရှောက်ရေးအသင်း AAPP ရဲ့ ဧပြီလ ၁၂ ရက်စာရင်းမှာ ဖော်ပြထားပါတယ်။
ဖတ်ရှုသူအများဆုံး သတင်းများ။
RFA
ဖတ်ရှုသူအများဆုံး သတင်းများ။
သတင်းများ
- RFA မြန်မာပိုင်း ရေဒီယို အထူးအစီအစဉ် (၂၀၂၅ မေ ၈ ရက်)
- စဉ့်ကူးမြို့နယ်မှာ ဗုံးကြဲတိုက်ခိုက်လို့ တစ်ဦးသေဆုံး၊ လေးဦးဒဏ်ရာရ
- RFA မြန်မာပိုင်း ရေဒီယို အထူးအစီအစဉ် (၂၀၂၅ မေ ၆ ရက်)
- မေလကုန်အထိ အပစ်ရပ်သက်တမ်းတိုးကြောင်း စစ်ကောင်စီကြေညာ
- ငလျင်ဘေးကာလ လေကြောင်းတိုက်ခိုက်မှုတွေကြောင့် ပြည်သူ ၂၇၀ ကျော် သေဆုံးကြောင်း NUG ထုတ်ပြန်