ཆོ་འཕྲུལ་སྨོན་ལམ་ཆེན་མོ།

གསར་འགྱུར་ལ་གསན་རོགས།

༄༅༎ཕྱི་ལོ་ཉིས་སྟོང་བཅུ་ཟླ་གཉིས་པའི་ཚེས་ཉི་ཤུ་རྩ་བརྒྱད་ཀྱི་ཉིན།བོད་ཀྱི་བླ་ན་མེད་པའི་དབུ་ཁྲིད་༸སྤྱི་ནོར་༸གོང་༸སྐྱབས་མགོན་ཆེན་པོ་མཆོག་གིས།བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་ཆོ་འཕྲུལ་སྨོན་ལམ་ཆེན་མོའི་ཚོགས་དགོན་དུ་ཆིབས་བསྒྱུར་བསྐྱངས་གནང་སྟེ།ཕྱི་ནང་སེར་སྐྱ་སྟོང་ཕྲུག་བརྒལ་བ་དང་།ལྷག་པར་དུ་ཉེ་ཆར་བོད་ནས་ཕེབས་པའི་བོད་མི་རྒན་གཞོན་ཡོངས་ལ་འཚམས་འདྲི་དང་བཀའ་སློབ་ལམ་སྟོན་བསྩལ་གནང་ཡོད་པའི་སྐོར།འདི་གའི་གསར་འགོད་པ་བློ་བེས་བཞུགས་སྒར་རྡ་རམ་ས་ལ་ནས་བཏང་འབྱོར་བྱུང་བའི་གནས་ཚུལ་ཞིག་ལ་གསན་རོགས༎