གཞུགས་སྒར་དུ་སྨོན་ལམ།

༄༅། ། རྒྱ་གཞུང་གི་གདུག་རྩུབ་ཅན་གྱི་སྲིད་བྱུས་ལ་ཞི་རྒོལ་ཆེད་ཟླ་ ༢ ཚེས་ ༢༤ ཉིན་རང་ལོ་ ༢༠ ལ་སོན་པའི་བོད་མདོ་སྨད་བ་ཡན་རྫོང་ཚ་ཕུག་ཤང་ས་དཀར་གོང་བོ་སྡེ་བ་ནས་ཡིན་པའི་རྒྱལ་གཅེས་པ་འཕགས་མོ་དོན་གྲུབ་བམ་འཕགས་མོ་ཚེ་བརྟན་ལགས་དང་། ཕྱི་ཚེས་ ༢༥ ཉིན་མདོ་སྨད་རྔ་པ་ངྷི་ཕུ་དགོན་དགེ་ལེགས་གཏེར་མཛོད་གླིང་གི་རྒྱལ་གཅེས་པ་གྲྭ་གསང་བདག་ལགས་དང་།    མདོ་སྨད་ཀླུ་ཆུ་རྫོང་ཤིས་ཚང་ཚོ་བ་བཅུ་གཉིས་ནང་ཚན་ཆོས་འཁོར་སྡེ་བ་ནས་ཡིན་པའི་རང་ལོ་ ༢༧ ལ་སོན་པའི་རྒྱལ་གཅེས་པ་ཚེ་གཟུངས་སྐྱབས་ལགས་བཅས་ཀྱིས་རང་ལུས་མེར་སྲེག་བཏང་ཡོད་པ་ཁོང་རྣམ་པར་གཙོ་བོར་དམིགས་ནས་བོད་བསྟན་སྲིད་ཆེད་རང་སྲོག་བློས་གཏོང་གནང་མཁན་ཚོའི་ཆེད་དུ་དེ་རིང་ཚེས་༦ཉིན་བཞུགས་སྒར་དྷ་རམ་ས་ལར་གཞུང་འབྲེལ་མཆོད་འབུལ་སྨོན་ལམ་གནང་འདུག    དེའི་སྐོར་ང་ཚོའི་ས་གནས་གསར་འགོད་པ་བསྟན་འཛིན་དབང་རྒྱལ་ལགས་ཀྱིས་བཏང་བའི་གནས་ཚུལ་ལ་གསན་རོགས།།