མདོ་ཁམས་འཇང་དགུན་ཆོས་ཐེངས་ལྔ་པ།

༄༅༎ཕྱི་ཟླ་༦ཚེས་༡༠ནས་༢༠བར་བོད་མདོ་ཁམས་རྟའུ་ཉ་མཚོ་དགོན་ཐོས་བསམ་དར་རྒྱས་གླིང་དུ་རི་བོ་དགེ་ལྡན་པའི་དགོན་སྡེ་ཁག་༦༡ནས་དགེ་འདུན་པ་༣༢༠༠ལྷག་མདོ་ཁམས་འཇང་དགུན་ཆོས་ཐེངས་པར་མཉམ་ཞུགས་གནང་བཞིན་པ་དང༌།ཐེངས་འདིའི་ཚོགས་ཆེན་སྐབས་༸གོང་ས་མཆོག་ནས་བཀའ་ཕེབས་པ་བཞིན་དུས་རབས་ཉེར་གཅིག་པའི་ནང་པ་ཞིག་བྱ་དགོས་པ་དང༌།ཁོར་ཡུག་སྲུང་སྐྱོབ་བྱ་ཕྱོགས།སྐད་ཡིག་སྲུང་གཅེས་སྐྱོང༌།སྤྱི་ཚོགས་ཁྲོད་ཕྱོགས་འཐེན་མེད་པ་བཟོ་རྒྱུ།མི་ཆོས་བླ་མའི་བརྫུན་འགོག་ཐབས།ལུང་སྐད་ཐོག་དགོངས་ཚུལ་ཇི་ཡོད།མདོ་ཁམས་སྤྱི་ཚོགས་ཁྲོད་ལེགས་ཆ་སྤེལ་རེས་ཀྱི་ལས་འགུལ་ཇི་སྤེལ་སོགས་ཀྱི་ཐོག་བགྲོ་གླེང་གནང་བཞིན་ཡོད་པའི་སྐོར་ཨེ་ཤེ་ཡ་རང་དབང་རླུང་འཕྲིན་ཁང་གི་གསར་འགོད་པ་ཐུབ་བསྟན་སངས་རྒྱས་ལགས་ནས་གནས་ཚུལ་ཕྱོགས་སྒྲིག་ཞུས་པར་གསན་རོགས༎