ཨ་རིའི་རྒྱང་སྲིང་འགན་འཛིན་དང་མཇལ་འཕྲད།

༄༅།།ཕྱི་ཟླ་༧ཚེས་༡༧རེས་གཟའ་མིག་དམར་ཉིན་བཙན་བྱོལ་བོད་མིའི་སྒྲིག་འཛུགས་ཀྱི་བཀའ་ཁྲི་བློ་བཟང་སེངྒེ་མཆོག་གིས་ཨ་རིའི་རྒྱལ་ས་ཝ་ཤིང་ཀྲོན་དུ་རྟེན་གཞི་གནང་བའི་ཨ་རིའི་གཞུང་ནས་འཛམ་གླིང་ནང་མང་གཙོ་དང་རང་དབང་སྲུང་སྐྱོབ་ཆེད་བཙུགས་པའི་གནས་ཚུལ་རྒྱང་སྲིང་ལས་ཁུངས་འགན་འཛིན་ལྷན་ཚོགས་ཀྱི་ (Broadcasting Board of Governors) ཚོགས་གཙོ་སྐུ་ཞབས་མཡི་ཁལ་མི་ཧན་(Michael Meehan) མཆོག་དང་། རྒྱལ་སྤྱིའི་རྒྱང་སྲིང་ལས་ཁུངས་ International Broadcasting Bureau ཀྱི་འགན་འཛིན་སྐུ་ཞབས་རི་ཆརྜ་ལོ་བོ་ Richard M. Lobo མཆོག་མཇལ་འཕྲད་གནང་ནས་འགན་འཛིན་རྣམ་གཉིས་ཀྱིས་བོད་མིའི་རང་དབང་དང་མང་གཙོའི་ལམ་ལུགས་ལ་མཐའ་གཅིག་ཏུ་རྒྱབ་སྐྱོར་གནང་རྒྱུའི་ཆོད་སེམས་བརྟན་པོ་འཆང་བཞིན་ཡོད་སྐོར་བརྗོད་པ་མ་ཟད། བོད་སྐད་གསར་འགྱུར་བརྒྱུད་ལམ་ཨ་རིའི་བོད་སྐད་རླུང་འཕྲིན་ཁང་(VOA) དང་ཨེ་ཤེ་ཡ་རང་དབང་རླུང་འཕྲིན་ཁང་(RFA) སོགས་ཀྱི་མཐུན་འགྱུར་གནང་བཞིན་ཡོད་སྐོར་ནན་བརྗོད་གནང་ཡོད་འདུག།