ཆོས་ཀྱི་བྱེད་སྒོ་སྤེལ་སྐབས་དམ་བསྒྲགས།

༄༅།    །བོད་ཟླ་༡༠ཚེས་༢༥ཉིན་རེབ་གོང་རོང་བོ་དགོན་ཆེན་དུ་སྔར་རྒྱུན་བཞིན་གྲྭ་ཚང་གསུམ་མཉམ་འཛོམས་ཐོག་དགེ་འདུན་པ་དྲུག་བརྒྱ་ལྷག་གིས་བདེ་མཆོག་ཆོ་གའི་སྒོ་ནས་ཚོགས་ཆེན་འདུ་ཁང་དུ་ཆོས་ཀྱི་བྱེད་སྒོ་ཆེན་པོ་སྤེལ་ཏེ། མཁའ་ཁྱབ་ཀྱི་འདས་གསོན་འགྲོ་བ་ཡོངས་ལ་བསྔོ་སྨོན་རྒྱ་ཆེན་དང་།    སྒོས་སུ་འཇམ་མགོན་ཙོང་ཁ་པ་ཆེན་པོའི་དགོངས་རྫོགས་ཀྱི་དུས་ཆེན་མཆོད་འབུལ་དང་སྐབས་བསྟུན་གྱིས།    བོད་བསྟན་སྲིད་མི་རིགས་རིག་གནས་དང་བཅས་པའི་ཆེད་ལུས་སྲོག་ལོངས་སྤྱོད་དང་བཅས་པ་བློས་གཏོང་མཛད་པའི་རྒྱལ་གཅེས་དཔའ་བོ་དཔའ་མོ་རྣམས་ཀྱི་ཆེད་བསྔོ་སྨོན་མཛད་འདུག
འོན་ཀྱང་ཉིན་དེར་ཉེན་རྟོག་པ་དང་། གསང་བའི་མི་སྣ་མང་པོས་རེབ་གོང་རོང་བོ་དགོན་ཆེན་དང་། སྒྲོལ་མ་ཐང་ཆེན། སྐོར་ལམ། གྲོང་ཁྱེར་སྲང་ལམ་སོགས་སུ་བལྟ་རྟོག་དམ་བསྒྲགས་ནན་པོ་བྱས་ནས་མི་མང་གི་འདུ་འཛོམས་ལ་ཚོད་འཛིན་ནན་པོ་བྱས་ཡོད་འདུག།