སེམས་བསྐྱེད་ཀྱི་ཆོས་འབྲེལ་བཀའ་དྲིན་སྩལ་རྒྱུའི་མཛད་རིམ་ཐུགས་གཏན་འཁེལ་བ།

༄༅།།བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གིས་ཕྱི་ཟླ་ ༢ ཚེས་ ༢༧ བོད་ཟླ་ ༡ ཚེས་ ༡༥ ཆོ་འཕྲུལ་དུས་ཆེན་དགེ་བའི་ཉིན་ལ་དྭགས་མི་མང་གཙོ་གྱུར་གྱིས་དད་ལྡན་པ་ཚོར་སེམས་བསྐྱེད་ཀྱི་ཆོས་འབྲེལ་བཀའ་དྲིན་སྩལ་རྒྱུའི་མཛད་རིམ་ཐུགས་གཏན་འཁེལ་བ་ལྟར། དད་ལྡན་པ་ཚོའི་ཁྲོད་སྔ་ས་ནས་གྲ་སྒྲིག་གི་སློབ་སྦྱོང་དང་བགྲོ་གླེང་བཅས་ཀྱི་ལས་རིམ་ཚོགས་བཞིན་ཡོད་པ་རེད། འདི་དང་འབྲེལ་བའི་ཐད་ཐེངས་འདིའི་གནད་དོན་གླེང་མོལ་གྱི་ལས་རིམ་ནང་ཆོས་འབྲེལ་གསོལ་འདེབས་ཞུ་མཁན་ལ་དྭགས་སེམས་བསྐྱེད་ཚོགས་པའི་ཁོངས་འགན་འཁུར་བ་ཚུལ་ཁྲིམས་བཟང་པོ་ལགས་དང་། ལ་དྭགས་ཀྱི་ལོ་ཙཱ་བ་འཇམ་དབྱངས་རྒྱལ་མཚན་ལགས་དང་ལྷན་༧གོང་ས་༧སྐྱབས་མགོན་ཆེན་པོ་མཆོག་གིས་ལ་དྭགས་ཁུལ་དུ་ ༡༩༦༦ ལོར་ཆིབས་སྒྱུར་ཐོག་མར་མཛད་དེ་ཆོས་འབྲེལ་བསྐྱངས་བ་ནས་བཟུང་ལ་དྭགས་ཁུལ་གྱི་མང་ཚོགས་ཁྲོད་དུ་ནང་ཆོས་ཀྱི་གོ་རྟོགས་ཇི་ལྟར་འཕེལ་ཡོད་མེད་བཅས་ཀྱི་སྐོར་བཀྲ་ཤིས་དབང་ཕྱུག་ལགས་ཀྱིས་གླེང་མོལ་ཞུས་པར་གསན་རོགས་ཞུ།།

གསར་འགོད་པ་བཀྲ་ཤིས་དབང་ཕྱུག