༸གོང་ས་མཆོག་དང་ཨ་རིའི་སྲིད་འཛིན་རྣམ་གཉིས་རྒྱལ་ཡོངས་སྨོན་ལམ་གསོལ་སྟོན་ཐོག་ཆེད་ཕེབས་གནང་བ།

༄༅༎དེ་རིང་ཟླ་༢་ཚེས་༥་ཉིན་ཨ་རིའི་སྲིད་འཛིན་ཨོ་སྦ་མ་ཡིས་སྲིད་འཛིན་གྱི་ལས་གནས་བཞེས་པ་བཟུང་ལོ་ལྟར་རྒྱལ་ཡོངས་སྨོན་ལམ་གསོལ་སྟོན་དུ་ཕེབས་ཏེ་གསུང་བཤད་གནང་གི་ཡོད་ཅིང་། འདི་ལོའི་རྒྱལ་ཡོངས་སྨོན་ལམ་གསོལ་སྟོན་ཐོག་༸གོང་ས་༸སྐྱབས་མགོན་ཏ་ལའི་བླ་མ་མཆོག་གདན་ཞུས་ལྟར་ཆེད་ཕེབས་མཛད་ཀྱི་ཡོད་པ་རེད། ཚོད་དཔག་བྱས་ན་ཐེངས་འདིའི་སྔ་དྲོའི་གསོལ་སྟོན་ཐོག་སྐུ་མགོན་ཧ་ལམ་༣༦༠༠ཙམ་ལྷན་ཞུགས་གནང་གི་ཡོད་པ་རེད།་ ད་རེས་ཨ་རིའི་རྒྱལ་ཡོངས་སྨོན་ལམ་གསོལ་སྟོན་ཐོག་སྲིད་འཛིན་ཨོ་སྦ་མ་མཆོག་ནས་༸གོང་ས་མཆོག་ལ་དམིགས་བསལ་ཕེབས་བསུ་དང་ཆེ་བསྟོད་ཞུས་པ་དང༌།དེ་བཞིན་ཨ་རིའི་ཤར་ཕྱོགས་ས་ཁུལ་མང་པོ་ཞིག་ནས་བོད་མི་བརྒྱ་ཕྲག་ཁ་ཤས་ཀྱིས་༸གོང་ས༸སྐྱབས་མགོན་ཆེན་པོ་མཆོག་ལ་ཕེབས་བསུ་ཞུ་བར་བཅར་ཡོད་པ་སོགས་ཀྱི་སྐོར་འདི་གའི་གསར་འགོད་པ་སྒྲོལ་དཀར་ལགས་ཀྱིས་ངོ་སྤྲོད་གནང་བར་གསན་རོགས༎
འཇམ་དཔལ་ཕུན་ཚོགས། སྒྲོལ་དཀར།

འབྲེལ་ཡོད་གནས་ཚུལ་གཤམ་ལ་ཆོས་སྐྱིད་ལགས་ཀྱིས་སྙན་སྒྲོན་ཞུས་པར་གསན་རོགས༎

གསར་འགོད་པ་ཆོས་སྐྱིད།