༧སྐུའི་འཁྲུངས་སྐར་དང་བསྟུན་བོད་མི་ཚོས་བཀའ་དྲིན་རྗེས་དྲན་གྱི་དུས་ཚིགས་སུ་སྲུང་བརྩི་ཞུ་བཞིན་པ།

༄༅།།ཐེངས་འདིའི་གནད་དོན་གླེང་མོལ་གྱི་ལས་རིམ་ནང་། བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་འདི་ལོ་དགུང་གྲངས་༨༥ ལ་ཕེབས་པའི་༧སྐུའི་འཁྲུངས་སྐར་དང་བསྟུན་བོད་མི་ཚོས་བཀའ་དྲིན་རྗེས་དྲན་གྱི་དུས་ཚིགས་སུ་སྲུང་བརྩི་ཞུ་བཞིན་པ་ལྟར། ༧གོང་ས་༧སྐྱབས་མགོན་ཆེན་པོ་མཆོག་གིས་མིའི་བཟང་སྤྱོད་ཀྱི་ཡོན་ཏན་དེ་དག་གནའ་དེང་ཟུང་སྦྲེལ་གྱི་ཐོག་ནས་ཤེས་ཡོན་སློབ་གསོ་སྤེལ་རྒྱུའི་དགོངས་གཞི་རླབས་ཆེན་བཞེས་ཀྱི་ཡོད་པ་ལྟར་དེ་འབྲེལ་སྐོར་༧སྐུའི་གསུང་སྒྱུར་བ་ཟུར་པ་ལྡི་ལི་བོད་ཁང་གི་འགན་འཛིན་དགེ་བཤེས་རྡོ་རྗེ་དགྲ་འདུལ་ལགས་དང་ལྷན་ཨེ་ཤེ་ཡ་རང་དབང་རླུང་འཕྲིན་ཁང་གི་གསར་འགོད་པ་བཀྲ་ཤིས་དབང་ཕྱུག་ལགས་ཀྱིས་གླེང་མོལ་ཞུས་པར་གསན་རོགས་ཞུ།།

གསར་འགོད་པ་བཀྲ་ཤིས་དབང་ཕྱུག