བོད་ཀྱི་མཐོ་རིམ་སློབ་མའི་ཚོགས་ཆེན་ཐེངས་ ༡༥ པའི་དམིགས་ཡུལ་དང་གྲུབ་དོན།

བོད་ཀྱི་མཐོ་རིམ་སློབ་མའི་ཚོགས་ཆེན་ཐེངས་ ༡༥ པ་འདི་བཞིན་རྒྱ་གར་བྱང་ཕྱོགས་ཧི་མ་ཅལ་མངའ་སྡེའི་སོ་ལན་བོན་གཞིས་ཐོབ་རྒྱལ་གསར་པའི་ནང་རྟེན་གཞི་བྱས་པའི་དཔལ་གཤེན་བསྟན་སྨན་རི་གླིང་དུ་ ༢༠༢༢ ཟླ་ ༤ ཚེས་ ༡༠ ནས་ ༡༥ བར་ཚོགས་བཞིན་ཡོད་ཅིང་། མཐོ་སློབ་ ༢༤ ཙམ་ནས་མཉམ་ཞུགས་པ་ ༩༠ ཙམ་ཕེབས་ཡོད་པ་རེད། ཐེངས་འདིའི་གནད་དོན་གླེང་མོལ་གྱི་ལས་རིམ་ནང་། ཚོགས་ཆེན་གྱི་དམིགས་ཡུལ་དང་གྲུབ་དོན། མ་འོངས་བྱེད་སྒོ་བཅས་ཀྱི་སྐོར་གླེང་མོལ་ཆེད་ཚོགས་ཆེན་གོ་སྒྲིག་ཚོགས་ཆུང་གི་ཚོགས་གཙོ་ཤེས་རབ་གྲགས་པ་ལགས་དང་། སྤྱི་ཁྱབ་འབྲེལ་མཐུད་པ་ཐུབ་བསྟན་རབ་བརྟན་ལགས། ཞིབ་འཇུག་ཚོགས་ཆུང་གི་ཚོགས་གཙོ་བློ་བཟང་ཚེ་དཔག་ལགས་བཅས་གདན་ཞུས་ཀྱིས། ཨེ་ཤེ་ཡ་རང་དབང་རླུང་འཕྲིན་ཁང་གི་གསར་འགོད་པ་བཀྲིས་དབང་ཕྱུག་ལགས་ཀྱིས་བགྲོ་གླེང་ཞུས་པ་ཞིག་གསན་རོགས་གནང་།།
གསར་འགོད་པ། བཀྲིས་དབང་ཕྱུག
རྩོམ་སྒྲིག་འགན་འཛིན། རིག་ལྡན་སྒྲོལ་མ།
དྲ་ཐོག་སྤེལ་མཁན། རྟ་མགྲིན་དབང་ཕྱུག