བྱང་ཨ་རིའི་ས་གནས་གཞོན་ནུའི་འགན་འཛིན་ལྷན་ཚོགས།

བྱང་ཨ་རིའི་ས་གནས་བོད་ཀྱི་གཞོན་ནུ་ལྷན་ཚོགས་ཀྱི་འགན་འཛིན་ལྷན་ཚོགས་ཐེངས་༡༨པ་དེ་ཨ་རིའི་རྒྱལ་སའི་མངའ་ཁུལ་དུ་བོད་ཀྱི་གཞོན་ནུ་ལྷན་ཚོགས་དབུས་སྤྱི་ཁྱབ་རྒྱུན་ལས་ཁང་གི་ཚོགས་གཙོ་བསྟན་འཛིན་འཇིགས་མེད་ལགས་དབུ་བཞུགས་ཐོག་སྐོང་ཚོགས་གནང་ཡོད་པ་རེད།        ད་རེས་ཀྱི་ཚོགས་ཆེན་དེའི་ཐོག་ཨ་རིའི་རྒྱལ་སའི་མངའ་ཁུལ་དང་།    ནིའུ་ཡོཀ་དང་ནིའུ་ཇར་སི།    སན་ཕ་རན་སིས་ཀོ།    མི་ནི་སོ་ཊ།    དེ་བཞིན་ཝིས་ཀོན་སིན་ས་གནས་བོད་ཀྱི་གཞོན་ནུ་ལྷན་ཚོགས་བཅས་ཀྱི་སྐུ་ཚབ་འཐུས་མི་༡༨ནས་ཚོགས་བཅར་ཞུས་ཡོད།    ཕྱི་ལོ་༢༠༡༨ཟླ་༦ཚེས་༢༣དང་༢༤བཅས་ཉིན་གྲངས་གཉིས་རིང་གི་ཚོགས་འདུ་དེའི་ཐོག་གྲོས་གཞི་ཁག་བརྒྱད་ཀྱི་ཐོག་བཀའ་བསྡུར་སྦྱང་བཤད་ཀྱིས་གྲོས་ཆོད་ཁག་    ༢༥    གཏན་འབེབས་གནང་ཡོད།    དེ་དང་འབྲེལ་བའི་སྐོར་རིག་འཛིན་ཆོས་སྒྲོན་ལགས་ཀྱིས་གནས་ཚུལ་ཕྱོགས་སྒྲིག་གནང་བར་གསན་རོགས།