ཨོ་ལིམ་པིཀས་རྩེད་འགྲན་འདི་འདྲ་ཞིག་གོ་སྒྲིག་ཞུ་རྒྱུའི་འོས་བབ་ལྡན་གྱི་ཡོད་མེད།

༢༠༢༢ལོར་འཛམ་གླིང་ནང་གི་རྒྱལ་སྤྱིའི་དགུན་དུས་ཨོ་ལིམ་པིཀས་ཀྱི་རྩེད་འགྲན་སྙན་གྲགས་ཆེ་ཤོས་འདི་ཉིད་ཏོག་དབྱིབས་ནད་ཡམས་ཀྱིས་རྐྱེན་གྱིས་དོ་ཕོག་ཆེན་པོ་བྱུང་ཡོད་ལ།ཡང་སྒོས་རྒྱ་ནག་ནང་རྒྱ་ནག་དམར་ཤོག་ཚོགས་པའི་འགྲོ་བ་མིའི་ཐོབ་ཐང་གི་རྡོག་རོལ་གཏོང་བའི་ཆ་ནས་རྩེད་འགྲན་འདི་འདྲ་ཞིག་གོ་སྒྲིག་ཞུ་རྒྱུའི་འོས་བབ་ལྡན་གྱི་ཡོད་མེད་ཐད་ལ་བགྲོ་གླེང་རྣོ་ངར་ལྡན་པ་ཞིག་བྱུང་ཡོད་པ་རེད།ད་ལྟ་པེ་ཅིན་དགུན་དུས་ཀྱི་ཨོ་ལོམ་པིཀསི་རྩེད་འགྲན་འདི་བཞིན་རྒྱལ་སྤྱིའི་གོ་ལའི་ཁྱོན་དུ་ལྟ་ཕྱོགས་མི་བདེ་བའི་ཁྲོད་མཇུག་སྒྲིལ་ཡོད་པ་ལྟར།  ཐེངས་འདིའི་རྩོམ་སྒྲིག་པའི་གླེང་སྟེགས་ཀྱི་ལས་རིམ་ནང་།  བསྟན་འཛིན་བདེ་སྐྱིད་ལགས་དང་བཀྲ་ཤིས་དབང་ཕྱུག་ལགས་གཉིས་ཀྱིས་བགྲོ་གླེང་ཞུས་པ་ཞིག་གསན་རོགས་ཞུ།
གསར་འགོད་པ། བཀྲ་ཤིས་དབང་ཕྱུག བསྟན་འཛིན་བདེ་སྐྱིད།
རྩོམ་སྒྲིག་པ། དཔལ་ལྡན་རྒྱལ།
དྲ་ཐོག་སྤེལ་མཁན། ཡེ་ཤེས་བཀྲ་ཤིས།