༸གོང་ས་མཆོག་ལ་བརྟན་བཞུཌ།

༄༅༎ཕྱི་ཟླ་གསུམ་པའི་ཚེས་ ༢ ཉིན་ བཞུགས་སྒར་རྡ་རམ་ས་ལའི་ཐེག་ཆེན་ཆོས་གླིང་གཙུག་ལག་ཁང་ཏུ་བོད་ལྗོངས་ལྷ་སྡེ་མི་སྡེ་ཡོངས་ནས་བོད་ཀྱི་བླ་ན་མེད་པའི་དབུ་འཁྲིད་༸སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་སྐུ་ཚེ་ཡུན་རིང་བརྟན་ཕྱིར་བརྟན་ཞུགས་རྒྱས་པ་ཞིག་བསྟར་འབུལ་ཞུས་གནང་འདུག༸དཔལ་ས་སྐྱ་བདག་ཁྲི་རིན་པོ་ཆེ་མཆོག་གིས་ད་རེས་བརྟན་ཞུགས་ཀྱི་རྡོ་རྗེ་སློབ་དཔོན་མཛད་ཡོད་ཅིང་ བོད་བརྒྱུད་ནང་བསྟན་གྱི་ཆོས་བརྒྱུད་ཆེན་མོ་བཞི་དང་གཡུང་དྲུང་བོན་དང་བཅས་པའི་བླ་ཆེན་རྣམ་པ་ཚོ་བརྟན་བཞུགས་སུ་ཆེད་བཅར་ཞུས་གནང་འདུག༸དཔལ་ས་སྐྱ་བདག་ཁྲི་རིན་པོ་ཆེ་མཆོག་ནས་མཎ་ཌལ་ལྗགས་བཤད་གནང་གྲུབ་པའི་རྗེས་ ༸སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་མགོན་པོ་གང་ཉིད་སྐུ་ཚེ་ཡུན་དུ་བརྟན་རྒྱུའི་ཞལ་བཞེས་གཟབ་མོ་ལེགས་པར་སྩལ་གནང་མཛད་པ་དང་ཆབས་གཅིག་བོད་ནང་དཀའ་སྡུག་མྱོང་བཞིན་པའི་བོད་མི་རྣམས་ལ་དམིགས་བསལ་ཐུགས་སྨོན་སྐྱབས་འཇུག་གནང་ཡོད་པའི་སྐོར་ཨེ་ཤེ་ཡ་རང་དབང་རླུང་འཕྲིན་ཁང་གི་གསར་འགོད་པ་དོན་གྲུབ་རྡོ་རྗེ་ལགས་ནས་གནས་ཚུལ་བཏང་འབྱོར་བྱུང་བར་གསན་རོགས༎