རྡུང་རྡེག་ལས་འགུལ་ལ་ངོ་རྒོལ།

༄༅༎ཕྱི་ཟླ་གསུམ་པའི་ཚེས་ལྔ་རེས་གཟའ་པ་སངས་ཀྱི་ཉིན་ཉེ་ཆར་བོད་ཀྱི་རྒྱལ་ས་ལྷ་ས་གཙོས་བོད་ནང་ས་གནས་མང་པོའི་ནང་དུ་རྒྱ་ནག་གཞུང་གིས་རྡུང་རྡེག་ཚ་ནན་ཞེས་པའི་དྲག་གནོན་གྱི་ལས་འགུལ་སྤེལ་འགོ་ཚུགས་ཡོད་པ་དེར་ངོ་རྒོལ་མཚོན་པའི་ཆེད་དུ་བཞུགས་སྒར་རྡ་རམ་ས་ལར་གཞུང་འབྲེལ་མ་ཡིན་པའི་ཆབ་སྲིད་ཚོགས་པ་བོད་ཀྱི་གཞོན་ནུ་ལྷན་ཚོགས་དང༌།བོད་ཀྱི་བུད་མེད་ལྷན་ཚོགས།རྒྱལ་ཡོངས་མང་གཙོ་ཚོགས་པ།བོད་ཀྱི་དགུ་བཅུ་གསུམ་ཚོགས་པ།བོད་རང་བཙན་གྱི་སློབ་ཕྲུག་ཚོགས་པ་བཅས་ནས་མར་མེའི་ཁྲོམ་སྐོར་གྱི་ལས་འགུལ་སྤེལ་བའི་སྐོར་ཨེ་ཤེ་ཡ་རང་དབང་རླུང་འཕྲིན་ཁང་གི་གསར་འགོད་པ་དོན་གྲུབ་རྡོ་རྗེ་ལགས་ནས་གནས་ཚུལ་བཏང་འབྱོར་བྱུང་བར་གསན་རོགས༎