རྒྱལ་དབང་འབྲུག་པར་ཆེ་བསྟོད།

གསར་འགྱུར་ལ་གསན།

༄༅༎ཕྱི་ཟླ་དགུ་པའི་ཚེས་བཅུ་དགུ་རེས་གཟའ་ཉི་མའི་ཉིན་ཨ་མེ་རི་ཀའི་གྲོང་ཁྱེར་ནིའུ་ཡོརྐ་ནང་འཛམ་གླིང་མཉམ་འབྲེལ་རྒྱལ་ཚོགས་ཀྱི་སྟོང་ལོ་གསར་པའི་ལས་གཞིའི་འོག་འཛམ་གླིང་ནང་དབུལ་འཕོང་སེལ་ཐབས་དང་ལོ་ཆུང་བྱིས་པ་རྣམས་ཤེས་ཡོད་སློབ་གསོའི་གོ་སྐབས་སྐྲུན་རྒྱུའི་ཕྱག་ལས་གནང་མཁན་ཕུལ་བྱུང་མི་སྣ་ཁག་ཅིག་ལ་ཆེད་བསྟོད་གཟེངས་རྟགས་ཕུལ་ཡོད་པ་དང༌།དཔལ་ལྡན་རྒྱལ་དབང་འབྲུག་པ་རིན་པོ་ཆེ་མཆོག་ལ་ཧི་མ་ལ་ཡའི་ཁུལ་དུ་སྨན་ཁང་དང་སློབ་གྲྭ་འཛུགས་སྐྲུན་དང༌།བུད་མེད་དབུལ་འཕོང་རྣམས་ལ་ཤེས་ཡོན་གོ་སྐབས་བསྐྲུན་པ་དང་།དེ་བཞིན་ཁོར་ཡུག་སྲུང་སྐྱོབ་ཀྱི་ཕྱག་ལས་གནང་བར་ཆེ་བསྟོད་གཟེངས་རྟགས་ཕུལ་ཡོད་པའི་སྐོར་ཨེ་ཤེ་ཡ་རང་དབང་རླུང་འཕྲིན་ཁང་གི་ཆེད་གཏོང་གསར་འགོད་པ་རིག་འཛིན་ཆོས་སྒྲོན་ལགས་ནས་ངོ་སྤྲོད་གནང་བར་གསན་རོགས༎