བོད་ཀྱི་ཡར་ཀླུང་གཙང་པོའི་ཆུ་བོའི་སྟེང་གནམ་གཤིས་འགྱུར་ལྡོག་བྱུང་བཞིན་པའི་ཤུགས་རྐྱེན།

བོད་ཀྱི་ཆུ་བོའི་ཐད་འབུམ་རམས་པའི་ཉམས་ཞིབ་གནང་མྱོང་པ་བློ་བཟང་གཡང་མཚོ་ལགས་ཀྱིས་ཨ་རིའི་ནང་ཕྱོགས་སྐྱོད་གནང་བཞིན་ཡོད་ཅིང་། ཕྱི་ཟླ་ ༤ ཚེས་ ༣ ཉིན་ཨ་རིའི་ཁོ་ལོ་ར་ཌོ་གཙུག་ལག་སློབ་གཉེར་ཁང་དུ་བོད་ཀྱི་ཡར་ཀླུང་གཙང་པོའི་ཆུ་བོའི་སྟེང་གནམ་གཤིས་འགྱུར་ལྡོག་བྱུང་བཞིན་པ་དེས་གཤམ་གྱི་རྒྱ་གར་ཨ་རུ་ན་ཅལ་མངའ་སྡེའི་ཊུ་ཊིང་གྲོང་གསེབ་ནང་ཤུགས་རྐྱེན་ཇི་ཐེབས་གཙོ་འགྱུར་གྱི་གཏམ་བཤད་གནང་ཞིང་། བོད་དོན་ཐད་ཁོང་གི་མྱོང་བའི་ལོ་རྒྱུས་དང་འབྲེལ་ནས་ངོ་སྤྲོད་གནང་འདུག བཅར་དྲིའི་ལས་རིམ་འདི་ནང་། ཨེ་ཤེ་ཡ་རང་དབང་རླུང་འཕྲིན་ཁང་གི་རྩོམ་སྒྲིག་འགན་འཛིན་བཀྲིས་དབང་ཕྱུག་ལགས་ཀྱིས་བློ་བཟང་གཡང་མཚོ་ལགས་ཀྱི་ཨ་རིའི་ནང་གི་ཕྱོགས་ཕེབས་དང་འབྲེལ་བའི་ཐད་བཀའ་འདྲི་ཞུས་པ་ཞིག་གསན་རོགས་གནང་།
གསར་འགོད་པ། བཀྲིས་དབང་ཕྱུག
རྩོམ་སྒྲིག་པ། བཀྲིས་དབང་ཕྱུག
དྲ་ཐོག་སྤེལ་མཁན། རྟ་མགྲིན་དབང་ཕྱུག