འབྲུག་ཡུལ་ནས་བྱེས་ཀྱི་གདན་ས་ཁག་ཏུ་རིགས་གཅིག་རྐང་འཛིན་གྱི་སློབ་གཉེར་གནང་པ།

བྱེས་ཀྱི་གདན་ས་འབྲས་སྤུངས་དང་དགའ་ལྡན་དུ་རྒྱལ་སྤྱིའི་དགེ་ལྡན་ལྷན་ཚོགས་ཀྱི་ཐུགས་འཁུར་རྐང་བཞེས་ཐོག་འབྲུག་ཆོས་ལྡན་རྒྱལ་ཁབ་ནས་འབྲུག་པ་བཀའ་བརྒྱུད་པའི་རིགས་གཅིག་རྐང་འཛིན་གྱི་སློབ་མ་ ༧ དང་དགེ་འདུན་པ་གཞན་ ༣ བཅས་ལ་འབུམ་རམས་པའི་ཚད་མཉམ་གྱི་ཟླ་དྲུག་རིང་གི་སློབ་དུས་སམ་ཐུན་མཚམས་ ༦ ཡོད་པའི་ནང་ནས་ཐུན་མཚམས་ ༤ པ་དེ་བསྐྱངས་ཏེ་ཕྱི་ཟླ་ ༤ ཚེས་ ༢༥ ཉིན་ལེགས་པར་གྲུབ་ཡོད་པ་དང་།  འདིའི་ནང་མཉམ་ཞུགས་གནང་མཁན་སློབ་དཔོན་གཉིས་ཀྱིས་ཆོས་དང་ཚན་རིག་སོགས་གང་ཅིའི་ལེགས་སྐྱེས་བླངས་རྒྱུ་མང་པོ་བྱུང་ཞེས་གསུངས་བྱུང་།  ཐེངས་འདིའི་གནད་དོན་གླེང་མོལ་གྱི་ལས་རིམ་ནང་།  རྒྱལ་སྤྱིའི་དགེ་ལྡན་ལྷན་ཚོགས་ཀྱི་ངེས་སྟོན་པ་འབྲས་སྤུངས་སྒོ་མང་མཁན་ཟུར་བློ་བཟང་རྒྱལ་མཚན་རིན་པོ་ཆེ་མཆོག་དང་།  འབྲུག་ནས་ཕེབས་པའི་རིགས་གཅིག་རྐང་འཛིན་གྱི་སློབ་གཉེར་བ་སློབ་དཔོན་རྡོ་རྗེ་རྒྱལ་མཚན་ལགས་དང་།  སློབ་དཔོན་འཇམ་དབྱངས་བྱམས་པ་ལགས་བཅས་དང་ལྷན་ཨེ་ཤེ་ཡ་རང་དབང་རླུང་འཕྲིན་ཁང་གི་བོད་སྐད་སྡེ་ཚན་གྱི་འགན་འཛིན་གཞོན་པའི་ལས་ཚབ་བཀྲ་ཤིས་དབང་ཕྱུག་ལགས་ཀྱིས་གླེང་མོལ་ཞུས་པར་གསན་རོགས་གནང་།
གསར་འགོད་པ། བཀྲ་ཤིས་དབང་ཕྱུག
རྩོམ་སྒྲིག་པ། བཀྲ་ཤིས་དབང་ཕྱུག
དྲྭ་ཐོག་སྤེལ་མཁན། ཡེ་ཤེས་བཀྲ་ཤིས།