བོད་དང་ཧོང་ཀོང་གི་གནས་སྟངས་ལ་དཔྱད་བསྡུར།

གནད་དོན་གླེང་མོལ་གྱི་ལས་རིམ་ནང་། ཉེ་བའི་ཆར་ཧོང་ཀོང་ནང་དུ་རྒྱ་ནག་གཞུང་གིས་ཀུ་ཤུ་ཉིན་རེའི་གསར་ཁང་གི་གཙོ་འཛིན་དང་རྩོམ་སྒྲིག་འགན་འཁུར་བ་མང་པོ་འཛིན་བཟུང་བྱས་ཤིང་།  གསར་ཁང་འདིས་རྒྱལ་ཁབ་ཀྱི་བདེ་འཇགས་ཀྱི་ཁྲིམས་ལུགས་དང་འགལ་བའི་ལས་དོན་སྤེལ་བའི་ཉེས་འཛུགས་འོག་དངུལ་ཁང་ནང་གི་དངུལ་བཅས་པ་བཀག་བསྡོམས་འོག་བཅུག་ཡོད་པ་རེད།  གནད་དོན་འདིའི་ཐོག་འདི་གའི་གསར་འགོད་པ་བཀྲིས་དབང་ཕྱུག་ལགས་ཀྱིས་བོད་རྒྱའི་གནད་དོན་དབྱེ་ཞིབ་པ་སངས་རྒྱས་སྐྱབས་ལགས་དང་ལྷན་སྔ་མོའི་བོད་ནང་གི་གནས་སྟངས་དང་ད་ལྟའི་ཧོང་ཀོང་ནང་གི་གནས་སྟངས་བཅས་པར་དཔྱད་བསྡུར་གྱི་གླེང་མོལ་ཞུས་པ་ཞིག་གསན་རོགས་གནང་།