ཨ་མདོའི་སློབ་ཕྲུག་གི་ལས་འགུལ།

ལེ་ཚན་ལ་གསན་རོགས།

༄༅།    །དེ་རིང་གི་གཏམ་གླེང་ཞལ་པར་གྱི་ལེ་ཚན་ནང་།    ཕྱི་ཚེས་༢༦ཉིན་མདོ་སྨད་ཆབ་ཆ་མཚོ་ལྷོ་ཁུལ་གསོ་རིག་སློབ་གྲྭའི་སློབ་མ་ ༡༠༠༠ ལྷག་གི་ཞི་རྒོལ་གནང་ཡོད་པ་དང་། བོད་ནས་བོད་མི་ཞིག་གིས་བཤད་ན།    རྒྱ་གཞུང་གིས་དམག་མི་དང་དྲག་ཆས་ཉེན་རྟོག་པ་འབོར་ཆེན་བཏང་ནས་སློབ་ཕྲུག་ཚོར་གང་བྱུང་ཉེས་རྡུང་དྲག་པོ་བཏང་སྟེ་དྲག་གནོན་བྱས་ཡོད་པ་དང་། སློབ་ཕྲུག་ ༢༠ལྷག་ལ་རྨས་སྐྱོན་ལྕི་མོ་ཕོག་སྟེ་སྨན་ཁང་དུ་བསྐྱལ་ཡོད་པ་མ་ཟད། དེ་དག་ཁྲོད་སློབ་ཕྲུག་ ༤ ལ་རྨས་སྐྱོན་ཚབས་ཆེན་ཕོག་སྟེ་ད་ལྟའི་ཆར་སྨན་ཁང་དུ་མྱུར་སྐྱོབ་བྱེད་བཞིན་པའི་གཉིས་ལ་སྲོག་ཉེན་ཡོད་པ་ཡང་བཤད་བཞིན་འདུག    ལས་འགུལ་དེ་གཙོ་བོར་འགྱུར་བའི་ལོ་འདིའི་ནང་ཨ་མདོ་ཁུལ་དུ་ཐོན་པའི་བོད་པའི་སློབ་ཕྲུག་གི་ལས་འགུལ་ཐོག་འབྲེལ་ཡོད་ཁག་ཅིག་དང་སྒྲོལ་དཀར་ལགས་ནས་བགྲོ་གླེང་ཞུས་པ་ཞིག་གསན་རོགས་གནང་།།