ཁེ་ན་ཌའི་མངའ་སྡེའི་གྲོས་ཚོགས་ཤིག་གི་ནང་ནང་པའི་རིག་གཞུང་གི་ཉིན་མོའི་ཁྲིམས་ཡིག་ངོ་སྤྲོད་དང་སྲུང་བརྩི།

ཁེ་ན་ཌའི་ British Columbia མངའ་སྡེའི་གྲོས་ཚོགས་སུ་ནང་པའི་རིག་གཞུང་གི་ཉིན་མོའི་ཁྲིམས་ཡིག་ངོ་སྤྲོད་གནང་ཡུལ་དུ་ནང་པའི་དགེ་འདུན་པ་སོགས་སྐུ་ཚབ་བརྒྱ་ཙམ་གྱིས་མཉམ་ཞུགས་གནང་སྟེ་སྲུང་བརྩི་ཞུས་ཡོད་ཅིང་། མངའ་སྡེའི་གྲོས་ཚོགས་སུ་ཁྲིམས་ཡིག་འདོན་མཁན་གུ་ཡངས་ཆབ་སྲིད་ཚོགས་པའི་མངའ་སྡེའི་གྲོས་ཚོགས་འཐུས་མི་ Teresa Wat ལགས་ཀྱིས་གསུངས་དོན་ལྟར་ན། ནང་པའི་རིག་གཞུང་ཉིན་མོ་སྲུང་བརྩི་ཞུ་རྒྱུའི་ཁྲིམས་གཞི་འདིས་མངའ་ཁུལ་འདིའི་ནང་རིག་གཞུང་སྣ་ཚོགས་དར་སྤེལ་གོ་རྟོགས་བརྒྱུད་སྤེལ་གཏིང་གཟབ་བྱེད་བཞིན་པའི་ཁྲོད་ནང་ཆོས་ཉམས་ལེན་པ་ཚོར་ནང་པའི་རིག་གཞུང་སྲུང་བརྩི་ཞུ་རྒྱུ་དང་གོ་རྟོགས་སྤེལ་རྒྱུ་ཞིག་ཡོང་རྒྱུ་ཡིན་པ་འགྲེལ་བརྗོད་གནང་ཡོད་པ་རེད། འདི་སྐོར་ཁྲིམས་ཡིག་ངོ་སྤྲོད་གནང་ཡུལ་དུ་ངོ་བཅར་ཡོད་པ་མཚན་སྒྲོགས་རིན་པོ་ཆེར་ཨེ་ཤེ་ཡ་རང་དབང་རླུང་འཕྲིན་ཁང་གི་རྩོམ་སྒྲིག་འགན་འཛིན་བཀྲིས་དབང་ཕྱུག་ལགས་ཀྱིས་བཀའ་དྲི་ཞུས་པར་གསན་རོགས་གནང་།།

ཁེ་ན་ཌའི་ British Columbia མངའ་སྡེའི་གྲོས་ཚོགས་སུ་ནང་པའི་རིག་གཞུང་གི་ཉིན་མོའི་ཁྲིམས་ཡིག་ངོ་སྤྲོད་གནང་ཡུལ་དུ་ནང་པའི་དགེ་འདུན་པ་སོགས་སྐུ་ཚབ་བརྒྱ་ཙམ་གྱིས་མཉམ་ཞུགས་གནང་སྟེ་སྲུང་བརྩི་ཞུས་ཡོད་པ།

གསར་འགོད་པ། བཀྲིས་དབང་ཕྱུག
རྩོམ་སྒྲིག་པ། བཀྲིས་དབང་ཕྱུག
དྲ་ཐོག་སྤེལ་མཁན། རྟ་མགྲིན་དབང་ཕྱུག