ကလေးငယ်ကို လက်ပြန်ကြိုး တုပ်ပြီး နှိပ်စက်နေတဲ့အကြောင်း မေးမြန်းချက်

ရန်ကုန်တိုင်းဒေသကြီး ဗဟန်းမြို့နယ် တက္ကသိုလ်ရိပ်သာလမ်းက တပ်မတော်သား လွှတ်တော်ကိုယ်စားလှယ် ဗိုလ်မှူး ကျော်နုမော်ရဲ့ နေအိမ်မှာ ကလေးငယ်ကို လက်ပြန်ကြိုးတုပ်ပြီး နှိပ်စက်နေတာကို ဓာတ်ပုံရိုက်ပြီး ဖေ့ဘွတ်စ်စာမျက်နှာမှာ တင်ခဲ့တဲ့ ကိုစည်သူကို ဒီနေ့ ဗဟန်းမြို့နယ်ရဲစခန်းက ခေါ်ယူမေးမြန်းခဲ့ပါတယ်။

အဲဒီအမှုရဲ့ နောက်ဆုံးအခြေအနေနဲ့ပတ်သက်ပြီး အမှုကိုလိုက်ပါကူညီပေးနေတဲ့ ၈၈ မျိုးဆက်ငြိမ်းချမ်းရေးနဲ့ ပွင့်လင်းလူ့အဖွဲ့အစည်းက မမီးမီးကို အာအက်ဖ်အေ သတင်းထောက် မဝေမာထွန်းက ဆက်သွယ်မေးမြန်းထားပါတယ်။